Maelesyo ma Kwongeleela

b Veonekana ĩvindanĩ yĩu amanyĩwʼa eũ makwataa veva mũtheu kana metĩkĩawʼa mauta kwĩsĩla veva mũtheu yĩla meũvatiswa. Meeka ũu meethĩawa makwata wĩkwatyo wa kwĩsa kũsumbĩka me asumbĩ na athembi vamwe na Yesũ ĩtunĩ. (2 Ako. 1:21, 22; Ũvu. 5:9, 10; 20:6) Ĩndĩ, ĩvindanĩ yĩu Vetelo na Yoana maĩ Samalia, amanyĩwʼa eũ mayaaĩtĩkĩwʼa mauta yĩla mavatisawa. Vandũ va ũu, amanyĩwʼa asu eũ maĩ manavatiswa makwatie veva mũtheu vamwe na ũtonyi wa kwĩka syama ĩtina wa Vetelo na Yoana kũmailĩĩla moko.