Maelesyo ma Kwongeleela
c Asomi maasya kana nĩvatonyeka aũme asu makethĩwa maĩ ungu wa wĩvĩto wa Mũnasali. (Mot. 6:1-21) Nĩwʼo kana, wĩvĩto ta ũsu, weethĩawa ungu wa ĩla Mĩao ya Mose, na ĩvindanĩ yĩĩ nĩyaekete kũtũmĩka. Ĩndĩ nĩvatonyeka Vaulo akethĩwa asũanĩie kana ti mavĩtyo aũme asu kwĩanĩsya wĩvĩto mamwĩvĩtĩe Yeova. Kwoou, ndesaa kwĩthĩwa avĩtĩtye kũmaĩvĩa menzwe na kũendanyʼa namo. Tũyĩsĩ nesa maĩ ungu wa wĩvĩto wĩva, ĩndĩ o na ethĩwa nĩ wĩva, vate nzika Vaulo ndesa kwĩthĩwa aakwata mbau kũthembwa kwa nyamũ (o tondũ Anasali meekaa), e na mũĩkĩĩo wa kana aũme asu nĩmeũthewʼa naĩ syoo. Nthembo mbĩanĩu ya Klĩsto nĩyatumĩte nthembo ta isu ieka kwĩthĩwa na ũtonyi o na ũmwe wa kũvetanga naĩ. O na ethĩwe eekie maũndũ meva, tũi na nzika kana Vaulo ndaĩ etĩkĩla kwĩka ũndũ o na ũmwe ũũtuma wasya wake wa ngoo wĩthĩwa ũte mũtheu.