Maelesyo ma Kwongeleela

c Mboasi eekĩie Luthi mbaale ya ithimo thanthatũ itawetetwe ũito wasyo. Noĩthwa ithimo isu syoonanasya mĩthenya thanthatũ ya kũthũkũma ĩla yaatĩĩawa nĩ mũthenya wa Savato wa kũthyũmũa. O na noĩthwa syoonanasya mĩthenya ya kũthĩnĩka kwa Luthi ĩla yakilyĩ kũthela na aikwata “ũthũmũo” atwawa. Na ethĩwa ti ũu, ithimo isu thanthatũ ikethĩwa syaĩ sya kĩsiko kĩnene kĩla kyatũmĩawa kũtava ngetha, nĩvatonyeka ũkethĩa ũsu nowʼo ũito ũla Luthi waĩ avikya.