Maelesyo ma Kwongeleela

a Ĩla Yesũ wawetaa ĩũlũ wa maũndũ ala makonanyʼa kana twĩ mĩthenyanĩ ya mũminũkĩlyo, nĩwanengie amanyĩwʼa make ngelekanyʼo iana ũndũ mũna. Ũndũ wa kwendeesya nĩ kana ambie kũweta ĩũlũ wa “ngombo yĩ na kĩthito na mbũĩ,” nayo nĩ kĩkundi kya andũ anini etĩkĩwʼa mauta ala methĩawa matongoesye maũndũ ũseũvyonĩ wa Yeova. (Mt. 24:45-47) Na ĩndĩ anengane ngelekanyʼo syaneeneaa ĩũlũ wa onthe ala me na wĩkwatyo wa kũthi ĩtunĩ. (Mt. 25:1-30) Ĩtina nĩwesie kũneenea ĩũlũ wa ala me na wĩkwatyo wa kwĩkala kũũ nthĩ, na makethĩwa makwete kwʼoko ana-a-asa ma Klĩsto. (Mt. 25:31-46) O ta ũu, ũmũnthĩ wathani wa Esekieli wambĩte kwonanyʼa kĩla kĩkethĩwa kwa ala me na wĩkwatyo wa kũthi ĩtunĩ. O na kau ti kĩla ĩvinda ũsumbĩ wa ila mbaĩ ĩkũmi wa Isilaeli wĩthĩawa ũelekanĩtwʼe na Aklĩsto ala me na wĩkwatyo wa kwĩkala kũũ nthĩ, ũũmwe ũla ũeleetwʼe wathaninĩ ũũ wĩtũlilikanyʼa ngwatanĩo ĩla yĩ vo katĩ wa ala me na wĩkwatyo wa kwĩkala kũũ nthĩ na ala me na wa kũthi ĩtunĩ.