Maelesyo ma Kwongeleela

b MAELESYO MA NDETO IMWE: Kũneenanyʼa na maveva nĩ kũĩkĩĩa na kwĩka maũndũ makonanĩtye na ndaimoni. Ũndũ ũmwe ala maneenanasya na maveva maĩkĩĩaa nĩ kana andũ makwʼa, maveva moo nĩmaumaa makatia mwĩĩ, na kwoou maasya andũ ala me thayũ nĩmatonya kũneenanyʼa na maveva asu, mũno mũno kwĩsĩla mũndũ ũla wĩsene namo. Maũndũ angĩ makonanĩtye na kũneenanyʼa na maveva nĩ ta ũoi na kwaũsya. Yĩla tũũneenea kwĩka syama ĩsomonĩ yĩĩ, twĩneenea maũndũ ala mekawa kwa vinya ũte wa mũndũ. Maũndũ asu nĩ ta kĩumo, kwathĩĩsya andũ maũndũ mathũku, kana kũusya kĩumo. Syama ila tũũweta vaa syĩ kĩvathũkanyʼo na tũmaũndũ tũmwe andũ mekaa na moko mĩtũkĩ mĩtũkĩ nĩ kana maũvĩngĩĩse kĩlĩko. Amwe mekaa tũmaũndũ ta tũu mayenda o kũtanĩthya andũ.