Maelesyo ma Kwongeleela

a Yĩla tweewʼa ĩũlũ wa mũndũ woomĩĩisye mathĩna maingĩ, kaingĩ tũsũanĩaa Yovu. Twĩmanyĩasya kyaũ twasũanĩa maũndũ ala makwatie mũndũũme ũsu mũĩkĩĩku? Twĩmanyĩasya kana Satani ndatonya kũtũlasimĩthya tũmũtie Yeova. O na ĩngĩ, nĩtũmanyaa kana mavinda onthe Yeova ethĩawa esĩ maũndũ ala matũkwatĩte. Na o tondũ Yeova wavetangĩie Yovu mathĩna make onthe, mũthenya ũmwe akatũvetangĩa mathĩna onthe. Na twoonanyʼa na meko maitũ kana nĩtũĩkĩĩte vyũ maũndũ asu, kwa wʼo tũkeethĩawa katĩ wa ala ‘mamweteelaa Yeova.’