Maelesyo ma Kwongeleela

c MAELESYO MA NDETO IMWE: Tũkwataa “mũuo ũla Yeova ũnengae andũ make” yĩla twamũthaitha twĩ ngwatanĩo. Nũndũ wa ũu, twĩthĩawa na lĩu mwingĩ wa kĩ-veva, ũla ũte na movũngũ ma ndĩni, na twĩthĩawa na wĩa mwingĩ na mũseo mũno wa kũtethya, nawʼo nĩ kũtavanyʼa ũvoo mũseo wa Ũsumbĩ wa Ngai. O na ĩngĩ, nĩtũtanĩaa ngwatanĩo nzeo vamwe na Yeova, na nĩtwĩkalanasya nesa na ana-a-asa na eĩtu-a-asa maitũ, ala matwendete na matũtetheeasya kũmĩĩsya mathĩna twĩ atanu. Tũkwataa mũuo ũsu Yeova ũnengae andũ make yĩla twambĩĩa kũmũthaitha kwa nzĩa ĩla wendaa na tweeka kyonthe kĩla tũtonya tũatĩĩe ngelekanyʼo yake.