Maelesyo ma Kwongeleela

a Mbivilianĩ, ndeto ya tene ĩla ĩalyũlĩtwe “wovosyo” yonanasya thooa, kana kĩndũ kĩla kĩĩvawa. Kwa ngelekanyʼo, ndeto ya Kĩevelania ka·pharʹ, yonanasya kũkunĩka, na mavinda maingĩ yonanasya kũkunĩka naĩ. (Savuli 65:3) Ndeto ĩngĩ ĩthengeanĩe na ĩsu nĩ koʹpher, nayo yonanasya kĩla kĩĩvawa nĩ kana naĩ ĩkunĩkwe kana mũndũ ovowʼe. (Kuma 21:30) O ta ũu, ndeto ya Kĩkiliki, lyʹtron, ĩla kaingĩ ĩalyũlawa “wovosyo,” no ĩalyũlwe “thooa wa kwovosya.” (Mathayo 20:28; The New Testament in Modern Speech, by R. F. Weymouth) Aandĩki ma tene ma Kĩkiliki matũmĩaa ndeto ĩsu kwonanyʼa ndĩvi ĩla yaumawʼa kwovosya mũndũ atavwa ĩvinda ya kaũ kana kwovosya ngombo.