• Syo Syĩndũ Syaumie Va?
    Tanĩa Thayũ Tene na Tene!—Masomo ma Mbivilia Matonya Kũũtethya

    • 3. Nĩ kyaũ kĩtumaa andũ methĩwa me kĩvathũkanyʼo na nyamũ?

      Yeova amina kũmba nthĩ, nĩwoombie syĩndũ syonthe ila syĩ nthĩnĩ wayo. Nĩwoombie mĩtĩ na nyamũ. Na ĩndĩ Ngai “atwʼĩkĩthya mũndũ na mũvwʼano wake.” (Soma Mwambĩlĩlyo 1:27.) Nĩ kyaũ kĩtumaa andũ methĩwa me kĩvathũkanyʼo na syĩndũ ila ingĩ? Nũndũ tũmbĩtwe na mũvwʼano wa Ngai, no twonanyʼe nguma syake, ta wendo na ũsili wa katĩ. O na ĩngĩ nĩwatũmbie twĩ na ũtonyi wa kwĩmanyĩsya ithyomo, tũtonya kwendeewʼa nĩ syĩndũ mbanake, na tũtonya kũtanĩa wathi. Na kĩvathũkanyʼo na nyamũ, nĩtũtonya kũmũthaitha Mũmbi waitũ.

  • Syo Syĩndũ Syaumie Va?
    Tanĩa Thayũ Tene na Tene!—Masomo ma Mbivilia Matonya Kũũtethya

    • 5. Ngewa ĩla yĩ Mbivilianĩ ĩneenete wũmbi nĩyosanĩte na kĩlĩko

      Nthĩnĩ wa Mwambĩlĩlyo kĩlungu kya 1, Mbivilia ĩeleetye kana nthĩ na syĩndũ syonthe ila syĩ nthĩnĩ wayo syeekie kũmbwa. We nũkũĩkĩĩa ngewa ĩsu-ĩ, kana wĩona no wano? Ĩloelei VITIO, na ĩndĩ mũineenea makũlyo aa maatĩĩe.

      VITIO: Nthĩ na Matu Syeekie Kũmbwa?—Kalungu ka Vitio (3:51)

      Visa: Maũndũ maumĩtwʼe vitionĩ yĩ na kyongo ‘Nthĩ na Matu Syeekie Kũmbwa?—Kalungu ka Vitio.’ 1. Visa wonanĩtye syĩndũ ila syoombiwe mĩthenyanĩ thanthatũ ya wũmbi. 2. Ũndũ nthĩ yailye ĩtina wa ĩla mĩthenya thanthatũ ya wũmbi. Kwaĩ syũa, nthĩ nyũmũ, kĩwʼũ, mĩtĩ na nyeki, nyũnyi, nyamũ sya nthĩ nyũmũ, na andũ.

      • Yo Mbivilia ĩmanyĩasya kana nthĩ na syĩndũ syonthe ila syĩ nthĩnĩ wayo syoombiwe nthĩnĩ wa mĩthenya thanthatũ, kĩla mũthenya wĩ na masaa 24?

      • We nũkwona ngewa ĩla yĩ Mbivilianĩ ĩkonetye wũmbi ta yosanĩte na kĩlĩko? Nĩkĩ wasũngĩa ũu?

      Somai Mwambĩlĩlyo 1:1, na ĩndĩ mũineenea ĩkũlyo yĩĩ:

      • Andũ ma saenzi nĩmetĩkĩlaa kana nthĩ na matu syĩ mwambĩlĩĩlyo. Woni ũsu woo wosanĩte ata na kĩla wasoma Mbivilianĩ?

      Andũ amwe mekũlasya ethĩwa Ngai nĩwe watumie syũmbe syĩvĩndũa o kavola mũvaka syatwʼĩka syũmbe ingĩ. Somai Mwambĩlĩlyo 1:21, 25, 27, na ĩndĩ mũineenea makũlyo aa:

      • Yo Mbivilia ĩmanyĩasya kana Ngai oombie kyũmbe kĩnini na ĩndĩ kyeevĩndũa o kavola kyesa kũtwʼĩka makũyũ, nyamũ, na andũ? Kana nĩwe woombie ‘mĩthemba’ yonthe ya syĩndũ ila syĩ thayũ?b