4:10-15

Yeova nĩwamũtetheeisye Mose aeka kwĩthĩwa na wia. Twĩĩmanyĩsya kyaũ kumana na maũndũ ala Yeova wamũtavisye Mose?

• Tũyaĩle kũtindĩa tũisũanĩa ĩũlũ wa mawonzu maitũ

• Twaĩle kwĩthĩwa na mũĩkĩĩo vyũ kana Yeova akatũnenga kyonthe kĩla tũkwenda nĩ kana twĩanĩsye ianda sitũ

• Kũmũĩkĩĩa Ngai nĩkũtumaa tũeka kũkĩa andũ

Mbeenĩ Mose ndoonaa ta ũtonya kwĩanĩsya kĩanda kĩla wanengetwe nĩ Yeova. (Kuma 4:10, 13) Waaĩsa kwĩwʼa ũu mũthenya ũmwe? Nĩwĩmanyĩasya Mbivilia na Ngũsĩ sya Yeova? Nĩwĩkũlasya kana ũkesa kũtonya kũtavanyʼa nyũmba na nyũmba? Wĩ mũndũ wa mũika na nũemawa nĩ kũtavanyʼa wĩ sukulu? Kana nũtonya kwĩthĩwa wĩwʼaa wia wa kũtavanyʼa kũla kwĩthĩawa andũ aingĩ, kana kũtavanyʼa na simũ? Mũvoye Yeova aũnenge veva wake mũtheu ũũtetheesye wĩthĩwe na vinya. (1Vt 4:11) Ĩthĩwa na mũĩkĩĩo vyũ kana Yeova akaũtetheesya wĩanĩsye kĩanda kĩla ũkũnengete o na ethĩwa nĩ kĩva.​—Kuma 4:11, 12.