Watchtower LIBRARY INDANETINĨ

Nĩwonaa Thayũ Wĩ Wa Vata O Tondũ Ngai Ũwonaa?

“Ĩyĩkalyei Ene Wendonĩ wa Ngai”
- 5, 6. Mĩao ya Mose yonanĩtye ata kana nthakame nĩ ntheu na nĩ ya vata? (Ĩngĩ, sisya ĩsandũkũ ĩthangũnĩ ya 78.)
  
  ⁵ Maũndũ asu elĩ, ma wʼo na ma vata, nĩmawetetwe ĩngĩ nthĩnĩ wa Mĩao ya Mose. Ĩandĩko ya Alivai 17:10, 11 yaasya: “Na mũndũ o na wĩva . . . ũla wĩya nthakame o na yĩva, ngamũlutĩla ũthyũ wakwa mũndũ ũsu ũla wĩya nthakame, na ngamũveta andũnĩ make. Nũndũ thayũ wa mwĩĩ wĩ nthakamenĩ; na nĩnĩmũnengete yo kĩthembeonĩ yĩthĩwe ya wĩwʼanĩthyo kwondũ wa mathayũ menyu: nũndũ nthakame nĩyo yĩwʼanĩthasya mũndũ nũndũ yĩ thayũ.”a—Sisya ĩsandũkũ yĩ na kyongo, “Ũndũ Nthakame Ĩetae Wĩwʼanĩthyo,” ĩthangũnĩ ya 76.
  
  ŨNDŨ NTHAKAME ĨETAE WĨWʼANĨTHYO
  
  Nthĩnĩ wa Ndeto ya Ngai, nthakame yosawa o ũndũ ũmwe na thayũ. Kwoou nĩ kana Mũisilaeli ndakasilĩlwe ĩla watũla mwĩao wa Yeova, nĩ waĩ atonya kumya nthembo ya nyamũ kĩthembeonĩ kya Ngai. (Alivai 4:27-31) Nthembo ĩsu nĩyavwʼĩkaa naĩ syake, ĩndĩ o kwa kavinda.
  
  O tondũ vonanĩtwʼe Mbivilianĩ, ndeto “wĩwʼanĩthyo” yonanasya “kũkũanyʼa” kana “kũkunĩka,” o tondũ ngunĩko ĩla yaĩle ĩkunĩkaa kĩndũ nesa. Vai nyamũ yaĩ ĩtonya “kũkunĩka” nesa vyũ, kana kũete wĩwʼanĩthyo kwondũ wa naĩ sya andũ. Ĩndĩ nthembo sya nyamũ syaĩ kyuu kya nthembo mbĩanĩu ya wĩwʼanĩthyo ĩla yaĩ yumwʼe.—Aevelania 10:1, 4.
  
  Nthembo ĩsu ya wĩwʼanĩthyo yaumiwʼe kwĩsĩla ‘kũthembwa kwa mwĩĩ wa Yesũ Klĩsto o ĩmwe tũ.’ (Aevelania 10:10) Thayũ ũte na naĩ wa Klĩsto, ũla wavwʼananĩthĩtwʼe na “nthakame yĩ vata mũno, ta ya katena ka ĩlondu kate kawathe kana kaũndũ nongi,” weanene nesa vyũ na thayũ ũla Atamu waaisye. (1 Vetelo 1:19) Kwoou kwa nzĩa ĩsu nzeo na ya wendo, Yeova nĩwoonanisye kana we nũatĩĩaa ũsili wa katĩ. Ũndũ ũngĩ nĩ kana, ithyĩ nĩtweethĩiwe tũtonya kũkwata “wovosyo wa tene na tene.”—Aevelania 9:11, 12; Yoana 3:16; Ũvuanʼyo 7:14.

Nĩwonaa Thayũ Wĩ Wa Vata O Tondũ Ngai Ũwonaa?

“Ĩyĩkalyei Ene Wendonĩ wa Ngai”
- a Ĩkaseti yĩmwe yĩneeneete ndeto ii sya Ngai, “thayũ wa mwĩĩ wĩ nthakamenĩ,” yaĩtye ũũ: “O na kau vai nzika kana ndeto ‘nthakame’ nĩtũmĩawa kwa nzĩa ya ngelekanyʼo kwonanyʼa thayũ, ndeto isu sya Ngai nĩ sya wʼo nũndũ ĩla twamĩkunĩkĩla ĩ nthakame mbene, nĩtwonaa kana kĩla kalungu kayo nĩ ka vata nĩ kana mũndũ ethĩwe thayũ.”—Scientific American.