-
“Vala Wĩthi, Ngathi”Ĩthĩwa na Mũĩkĩĩo ta Woo
-
-
16-18. (a) Luthi oonanisye ũseo wĩ wendo ata? (b) Ngelekanyʼo ya Luthi yĩtũmanyĩsya kyaũ ĩũlũ wa ũseo wĩ wendo? (O na ĩngĩ, sisya visa sya aka asu elĩ.)
16 Luthi Nĩwendete Naomi na Ngai wake mũno na ndaĩ na nzika kana eeka ũtwi ũla waĩle. Na nũndũ wa ũu, amũsyaisye Naomi na amwĩa: “Eka ũnthingʼĩĩsya ngũtie, nĩthyũũe nĩeke ũkũvikĩla; nũndũ vala wĩthi, ngathi; na vala wĩĩkala, ngekala; andũ maku makeethĩwa andũ makwa, na Ngai waku Ngai wakwa; vala wĩkwʼĩa, novo nĩkwʼĩa, na novo nĩthikwa: Yeova nambĩke ũu, o na mbee, ethĩwa ũndũ ũkandaanʼya naku ate o kĩkwʼũ.”—Lu. 1:16, 17.
“Andũ maku makeethĩwa andũ makwa, na Ngai waku Ngai wakwa”
17 Ndeto sya Luthi syaĩ sya kwendeesya mũno na nĩkyo kĩtumi o na ũmũnthĩ ĩtina wa myaka ta 3000 tũisomaa. Nivuanasya nesa ũndũ ũseo wĩ wendo wĩthĩawa ũilye. Wendo ũla Luthi waĩ nawʼo waĩ mwingĩ mũno; na nĩkyo kĩtumi watwʼĩte kũlũmanyʼa na Naomi vonthe vala ũkathi. No kĩkwʼũ kyaĩ kĩtonya kũmataananyʼa. Andũ ma Naomi maĩ matwʼĩke andũ ma Luthi nũndũ nĩwatwʼĩte vyũ kũtia kĩla kĩndũ weesĩ Moavi, o na nginya ngai sya kũu. Kĩvathũkanyʼo na Oliva, Luthi nĩwatwʼĩte na ngoo yonthe kana eenda Yeova, Ngai wa Naomi, atwʼĩke Ngai wake.a
-
-
“Vala Wĩthi, Ngathi”Ĩthĩwa na Mũĩkĩĩo ta Woo
-
-
a Nĩ ũndũ wa kwendeesya kwona kana aiweta Ngai wa wʼo ndaamwĩta o “Ngai,” o tondũ andũ aingĩ ma mbaĩ ingĩ matonya kwĩthĩwa meekaa. Ĩndĩ, o na nĩwawetie ĩsyĩtwa yake mwene, Yeova. Ĩvuku yĩmwe yĩineenea ndeto isu yaĩtye: “Mũandĩki [wa ĩvuku ya Luthi] nĩwonanĩtye nesa kana o na kau Luthi aĩ wa mbaĩ ĩngĩ, nĩwamũthaithaa Ngai wa wʼo.”—The Interpreter’s Bible.
-