Watchtower LIBRARY INDANETINĨ

Tũngaa Mũvea Nũndũ wa Mũthĩnzĩo wa Thayũ

Tanĩa Thayũ Tene na Tene!—Masomo ma Mbivilia Matonya Kũũtethya
- 1. Nĩkĩ twaĩlĩte kũtũngaa mũvea nũndũ wa thayũ?
  
  Twaĩlĩte kũtũngaa mũvea nũndũ wa thayũ nĩkwĩthĩwa nĩ mũthĩnzĩo kuma kwa Ĩthe witũ wĩ wendo, Yeova. Nĩwe “mbuluti ya thayũ,” nũndũ nĩwoombie kĩla kĩndũ. (Savuli 36:9) Yeova “nĩwe ũnengae andũ onthe thayũ na mĩthũmũ na syĩndũ syonthe.” (Meko ma Atũmwa 17:25, 28) Yeova nũtũnengae kĩla tũkwenda nĩ kana twĩkale thayũ. Na kwongela ũu, nũtwĩkaa maũndũ matumaa tũtanĩa thayũ.—Soma Meko ma Atũmwa 14:17.

Tũngaa Mũvea Nũndũ wa Mũthĩnzĩo wa Thayũ

Tanĩa Thayũ Tene na Tene!—Masomo ma Mbivilia Matonya Kũũtethya
- 2. Tũtonya kwonyʼa Yeova ata kana nĩtũtũngaa mũvea nũndũ wa mũthĩnzĩo wa thayũ?
  
  Yeova ambĩĩie kũũthĩnĩkĩa kuma yĩla waitaviwe. Ndetonĩ yake Mbivilia, ũmwe wa athũkũmi make, Ndaviti, amwĩie atĩĩ: “Metho maku nĩmoonie ndanombĩka.” (Savuli 139:16) Yeova nĩwonaa thayũ waku wĩ wa vata mũno. (Soma Mathayo 10:29-31.) Nĩ ũũmĩaa mũno yĩla ũmwe wamina na ngũlũ thayũ wa mũndũ ũngĩ kana thayũ wake mwene.a (Kuma 20:13) O na nĩ ũũmĩaa yĩla twalikya thayũ witũ mũisyonĩ vate vata, kana twaema kwosa matambya ala maĩlĩte tũsũvĩe thayũ wa andũ ala angĩ. Yĩla twasũvĩa thayũ witũ na twanenga ndaĩa thayũ wa ala angĩ, twonanasya kana nĩtũũtũnga mũvea nũndũ wa mũthĩnzĩo wa thayũ.

Tũngaa Mũvea Nũndũ wa Mũthĩnzĩo wa Thayũ

Tanĩa Thayũ Tene na Tene!—Masomo ma Mbivilia Matonya Kũũtethya
- 5. Nenga ndaĩa thayũ wa kana katanamba kũsyawa
  
  Ndaviti nĩwaeleisye ũndũ Yeova wendeeawʼa nĩ thayũ wa kana kaendeee kwĩana ĩvunĩ ya nyinyia wako. Somai Savuli 139:13-17, na ĩndĩ mũineenea ĩkũlyo yĩĩ:
  
  Kwosana na woni wa Yeova, thayũ wa mũndũ wambĩĩaa yĩla mũndũ mũka waitava-ĩ, kana nĩ yĩla kana kasyawa?
  
  Mĩao ĩla Yeova wanengete Isilaeli ĩvindanĩ ya tene nĩyasũvĩaa syana ila itanamba kũsyawa vamwe na aa-inyia. Somai Kuma 21:22, 23, na ĩndĩ mũineenea makũlyo aa:
  
  Yeova onaa ata mũndũ ũla woaa kana katanamba kũsyawa atataĩĩe?
  
  Atonya kwĩwʼa ata ethĩwa mũndũ eeka ũu na ngenda?b
  
  We woni ũsu wa Ngai wĩwona ata?
  
  Ĩloelei VITIO.
  
  VITIO: Onaa Thayũ wĩ wa Vata O Ũndũ Ngai Ũwonaa (5:00)
  
  O na mũndũ mũka ũla wonaa thayũ wĩ wa vata no avikĩĩe vandũ akambĩĩa kũsũanĩa kana kumya ĩvu nokwʼo kũtonya kũmũtethya. Somai Isaia 41:10, na ĩndĩ mũineenea makũlyo aa:
  
  Ethĩwa mũndũ mũka nũkũthingʼĩĩwʼa mũno aumye ĩvu, aĩle kũmantha ũtethyo vala ve ũũ? Nĩkĩ wasũngĩa ũu?

Tũngaa Mũvea Nũndũ wa Mũthĩnzĩo wa Thayũ

Tanĩa Thayũ Tene na Tene!—Masomo ma Mbivilia Matonya Kũũtethya
- b Ala maumisye ĩvu tene mayaĩlĩte kwĩtũla mũtĩ mũno nũndũ Yeova no amaekee. Wenda kũkwata ũvoo mwingangĩ, soma ũvoo wĩ na kyongo “Mbivilia Yaĩtye Ata Ĩũlũ wa Kumya Ĩvu?” ũla wĩ kĩlungunĩ kya Maũndũ Angĩ ma Kwĩmanyĩsya, ĩsomonĩ yĩĩ.