• Nũtonya Kwĩthĩwa Mũnyanya wa Yeova
    Tanĩa Thayũ Tene na Tene!—Masomo ma Mbivilia Matonya Kũũtethya

    • 3. Yeova endaa twĩke ata nĩ kana tũtwʼĩke anyanyae?

      Yeova nĩwendete andũ onthe, “ĩndĩ ũnyanya wake nĩ wake na ũla mũlũngalu.” (Nthimo 3:32) Yeova endaa anyanya make matate ũndũ matonya meke maũndũ ala wonaa me maseo na mayĩvathana na ala wonaa me mathũku. Ĩndĩ andũ amwe mewʼaa matatonya kwĩka maũndũ onthe ala Yeova wendaa twĩke na mayĩvathana na ala mathũku. Ĩndĩ o na vailyĩ ũu, Yeova nũtũeleawa. Nĩwĩtĩkĩlaa mũndũ wʼonthe ũla ũmwendete na ũla wĩkaa kyonthe kĩla ũtonya nĩ kana amwendeesye.—Savuli 147:11; Meko ma Atũmwa 10:34, 35.

  • Ĩthĩwa wĩ Mũĩkĩĩku Maũndũnĩ Onthe
    Tanĩa Thayũ Tene na Tene!—Masomo ma Mbivilia Matonya Kũũtethya

    • Ĩthĩwa wĩ Mũĩkĩĩku Maũndũnĩ Onthe

      Kĩla mũndũ nĩwendete kwĩthĩwa na anyanya aĩkĩĩku. O nake Yeova nĩwendaa anyanya make methĩwe mailye ũu. Ĩndĩ ti ũndũ wĩ laisi nũndũ ũmũnthĩ andũ aingĩ ti aĩkĩĩku. Tũtonya kũtetheka ata twaendeea kwĩthĩwa twĩ aĩkĩĩku maũndũnĩ onthe?

      1. Nĩ ũndũ wĩva wa vata vyũ ũla ũtumaa twĩthĩwa twĩ aĩkĩĩku?

      Yĩla tweethĩwa twĩ aĩkĩĩku kwa andũ ala angĩ, twonasya Yeova kana nĩtũmwendete na nĩtũmũnengete ndaĩa. Manya kana Yeova nĩwĩsĩ mesilya maitũ onthe o na meko maitũ. (Aevelania 4:13) Nĩwonaa yĩla twanyuva kwĩthĩwa twĩ aĩkĩĩku na ũndũ ũsu nũtumaa atana. Ndeto yake yasyaa atĩĩ: “Ũla wĩ ngũlũ nĩ ũthatyo kwa Yeova; Ĩndĩ ũnyanya wake nĩ wake na ũla mũlũngalu.”—Nthimo 3:32.

      2. Tũtonya kwonanyʼa ũĩkĩĩku ata maũndũnĩ maitũ ma kĩla mũthenya?

      Yeova nĩwendaa ‘tũneenae wʼo kĩla mũndũ na mũtũi wake.’ (Nzekalia 8:16, 17) Ũu wonanasya ata? Twĩthĩwe twĩneena na andũ maitũ ma mũsyĩ, ala tũthũkũmaa namo, ana-a-asa na eĩtu-a-asa, kana athũkũmi ma silikalĩ, tũyaĩlĩte kũkengana kana kũnengane ũvoo ũte wa wʼo. Andũ aĩkĩĩku mayũyĩaa ala angĩ kana kũmavena kwa nzĩa ya ũkengani. (Soma Nthimo 24:28 na Aeveso 4:28.) O na nĩmaĩvaa koti ũla maĩlĩte kũĩva. (Alomi 13:5-7) Nzĩanĩ isu na ingĩ mbingĩ, nĩtũendeeaa “kwĩthĩwa twĩ aĩkĩĩku maũndũnĩ onthe.”—Aevelania 13:18.

      3. Tũtonya kũtetheka ata twaendeea kwĩthĩwa twĩ aĩkĩĩku?

      Yĩla tweethĩwa twĩ aĩkĩĩku, andũ ala angĩ nĩmatũĩkĩĩaa vyũ. Nĩtũtumaa angĩ kĩkundinĩ mewʼa me eanĩe, na tũyĩthĩwa tũilye ta andũ ma mũsyĩ ũmwe wĩ wendo. O na nĩtũtanĩaa wasya mũtheu wa ngoo. Ũĩkĩĩku witũ no ‘wanakavye momanyĩsyo ma Ngai, Mũtangĩĩi waitũ,’ na ũikusya angĩ moke ũthaithinĩ wa wʼo.—Tito 2:10.

      ĨMANYĨSYE MŨNANGO

      Ĩmanyĩsye wone ũndũ ũĩkĩĩku ũtonya kũtuma Yeova ewʼa, ũndũ ũtonya kũũtethya, na ũndũ ũtonya kwĩthĩwa wĩ mũĩkĩĩku maũndũnĩ me kĩvathũkanyʼo.

      4. Ũĩkĩĩku nũmũtanĩthasya Yeova

      Somai Savuli 44:21 na Malaki 3:16, na ĩndĩ mũineenea makũlyo aa:

      • Wĩĩsilya nĩkĩ ũte ũndũ wa ũĩ kũsũanĩa kana no tũvithe ũla wʼo?

      • Wĩona Yeova ewʼaa ata yĩla twanyuva kũneena ũla wʼo, o na ethĩwa ti laisi kwĩka ũu?

      Kana keũneena na ĩthe wako atulĩtye ndu nĩ kana akavikĩle. Juice yĩĩ mesanĩ nĩyetĩka.

      Yĩla syana syaneena ũla wʼo, nitanĩthasya asyai masyo. Naitũ yĩla twaneena ũla wʼo, nĩtũmũtanĩthasya Yeova

      5. Ĩthĩawa wĩ mũĩkĩĩku mavinda onthe

      Andũ aingĩ maĩkĩĩaa kana ti nginya twĩthĩawe twĩ aĩkĩĩku mavindanĩ onthe. Ĩndĩ ĩloele vitio ĩno wone nĩkĩ ũsu nĩ ũndũ wa vata mũno. Ĩloelei VITIO.

      VITIO: Maũndũ Ala Maetae Ũtanu—Wasya Mũtheu wa Ngoo (2:32)

      Ũvoo umĩtwʼe ĩla vitionĩ yĩ na kyongo ‘Maũndũ Ala Maetae Ũtanu—Wasya Mũtheu wa Ngoo.’ Ĩtina wa Ben kũtavya mũnene wake kana nĩweeka ĩvĩtyo ĩnene, nĩmakethanyʼa.

      Somai Aevelania 13:18, na ĩndĩ mũineenea ũndũ tũtonya kwonanyʼa ũĩkĩĩku . . .

      • mĩsyĩnĩ yaitũ.

      • wĩanĩ kana sukulu.

      • maũndũnĩ angĩ.

      6. Ũĩkĩĩku nũtũtethasya

      Mavindanĩ amwe, ũĩkĩĩku nũtonya kwoneka ta ũtonya kũlikya mũndũ mathĩnanĩ. Ĩndĩ kũneena ũla wʼo, ũsu nĩwʼo ũndũ ũla mũseo vyũ mũndũ waĩlĩte kwĩka. Somai Savuli 34:12-16, na ĩndĩ mũineenea ĩkũlyo yĩĩ:

      • Ũĩkĩĩku ũtonya ũkũtethya ata?

      A. Mũũme na mũka maiea ngewa maendeee na kũkunda kaawa. B. Makanika ũkũkathwa nĩ mũnene wake me wĩanĩ. C. Mũndũũme e ngalĩnĩ yake ayonyʼa volisi kĩvandĩ.

      1. Aũme na aka ala aĩkĩĩku nĩmalũlũmĩĩlasya mũtwaano woo

      2. Athũkũmi aĩkĩĩku nĩmethĩawa maĩkĩĩwe nĩ ala mamaandĩkĩte

      3. Andũ ala aĩkĩĩku mayĩthĩawa na mathĩna na anene ma silikalĩ

      ANDŨ AMWE MAASYA: “Ti ũthũku kũkengana o vanini.”

      • Nĩkĩ ũte na nzika kana Yeova nũmenete ũvũngũ wʼonthe?

      KĨLA TWEEMANYĨSYA

      Yeova endaa anyanyae methĩwe me aĩkĩĩku maũndũnĩ onthe ala meũneena na ala mekwĩka.

      Makũlyo ma Kũsyokeleela

      • Tũtonya kwonanyʼa ũĩkĩĩku maũndũnĩ ta meva?

      • Nĩkĩ ũte ũndũ wa ũĩ kũsũanĩa kana no tũvithe ũla wʼo?

      • Nĩkĩ ũkwenda kwĩthĩwa wĩ mũĩkĩĩku mavindanĩ onthe?

      Ũndũ wa Kwĩka

      MAŨNDŨ ANGĨ MA KWĨMANYĨSYA

      Asyai matonya kũtetheesya syana syoo ata syĩthĩawe syĩ ndĩkĩĩku?

      Neenaa Ũla Wʼo (1:44)

      Nĩkĩ nĩ ũndũ wa vata kwĩanĩasya kĩla twaathana?

      Ĩanĩasya Kĩla Waathana na Ũkakwata Moathimo (9:09)

      Soma wone ethĩwa no nginya tũĩvae koti, o na ethĩwa wĩtũmĩwa kwa nzĩa ĩla ĩtaĩlĩte.

      “No Nginya Ũĩve Koti?” (Mũsyaĩĩsya, Ĩtukũ 1, Mwei wa 9, 2011)

      Nĩ kyaũ kyatetheeisye mũndũũme ũmwe ũla ũtaĩ mũĩkĩĩku wĩanĩ wake ambĩĩa kwĩthĩwa e mũĩkĩĩku?

      “Nĩnamanyie Kana Yeova E Tei na Nũekeaa” (Mũsyaĩĩsya, Ĩtukũ 1, Mwei wa 5, 2015)

  • Nyuva Anyanya Maku kwa Ũĩ
    Tanĩa Thayũ Tene na Tene!—Masomo ma Mbivilia Matonya Kũũtethya

    • 2. Anyanya maku matonya kũtuma Yeova ewʼa ata?

      Yeova nũnyuvaa anyanya make nesa. Mbivilia yaĩtye: “Ũnyanya wake nĩ wake na ũla mũlũngalu.” (Nthimo 3:32) Wĩona Yeova ta ũtonya kwĩwʼa ata tũkanyuva andũ ala matamwendete methĩwe anyanya maitũ? No athate mũno! (Soma Yakovo 4:4.) O vamwe na ũu, Yeova akatwĩtĩkĩla twĩthĩwe anyanyae twaleana vyũ na kĩtindo kĩthũku, twamũthengeea, na twekala vakuvĩ na ala mamwendete.—Savuli 15:1-4.