-
Nĩweemanyĩisye Kumana na Mavĩtyo MakeĨthĩwa na Mũĩkĩĩo ta Woo
-
-
12. (a) Nĩkĩ tũtaĩlĩte kũsembea kũneenea Yona naĩ nũndũ wa kũkoma kĩuutani kĩendeee? (O na ĩngĩ, sisya maelesyo ma kwongeleela.) (b) Yeova avuanisye ata vala thĩna waumĩte?
12 Yona eewʼaa athelile vyũ na ndonaa e ũndũ ũtethya. Na kwoou amantha vandũ na ku nthĩ wa meli ĩsu akoma. Akomie nginya alĩkwa.b Mũtwai wa meli nĩwamwĩthĩie e too na amũamũkya amwĩĩte avoye ngai yake ũndũ kĩla mũndũ ũendeee kwĩka. Ĩtina atwai asu ma meli nĩmambĩĩie kwona kana vaa ti mana, na nũndũ wa ũu maamũa kũlimana, kana kũkũna kula, nĩ kana mamanye thĩna ũsu wumanĩte naũ. Yona ndalea kwĩthĩwa ewʼaa kĩwʼũ kyetĩka nda kĩla ĩvinda makũna kula na ayona iteũvalũkĩla asu angĩ. O na matekalĩte, ũwʼo nĩweevuanisye. Yeova nĩwalikĩlĩĩile kula isu na weethĩa syĩvalũkĩla o mũndũ ũmwe, nake nĩ Yona.—Soma Yona 1:5-7.
-
-
Nĩweemanyĩisye Kumana na Mavĩtyo MakeĨthĩwa na Mũĩkĩĩo ta Woo
-
-
b Maandĩko ma Septuagint maikindĩlĩĩla ũndũ Yona wakomete akalĩkwa, maĩtye kana o na nĩwangʼulĩtye kĩngʼoo. Ĩndĩ, vandũ va kũsembea kũsũanĩa kana Yona ndendaa kũmanya we kana ala waĩ namo melinĩ mekwatwa nĩ kyaũ, nĩtwaĩle kũmanya kana mavinda amwe yĩla mũndũ weemakĩa avika mwĩso nũkwatawa nĩ too. Ta kwa ngelekanyʼo, ĩvinda yĩla Yesũ waĩ na kyeva kingĩ mũno e mũũndanĩ wa Ngesemanii eethĩie Vetelo, Yakovo, na Yoana, “makomete, manoete mũno nũndũ wa kĩmeto.”—Luka 22:45.
-