Syo Ngũsĩ sya Yeova Nivataa Aatĩĩi Masyo Sinema Imwe, Mavuku amwe, kana Mbathi Imwe?
Aiee. Ũseũvyo witũ ndũthianaa sinema, mavuku, kana mbathi nĩ kana ũtwʼe nĩ syĩva ila twaĩle kwĩvathana nasyo. Nĩkĩ?
Mbivilia ĩthangaasya kĩla ũmwe witũ amanyĩsye ‘kĩlĩko kyake’ kũvathũkanyʼa ũseo na ũthũku.—Aevelania 5:14.
Maandĩko nĩmanenganĩte myolooto ĩla Mũklĩsto ũtonya kũtũmĩa kũthiana maũndũ ala ũkwĩtanĩthya namo.a Kĩeleelo kitũ kĩthĩawa nĩ ‘kũthima maũndũ ala mamwendeeasya Mwĩaĩi’ nthĩnĩ wa kĩla kyonthe tũkwĩka.—Aeveso 5:10.
Mbivilia ĩmanyĩasya kana mwene mũsyĩ e na ũkũmũ, na kwoou nũtonya kũlea maũndũ amwe ma kwĩtanĩthya kwake. (1 Akolintho 11:3; Aeveso 6:1-4) Eka o mũsyĩ kwake, vai mũndũ wĩ na ũkũmũ wa kuvata ũngĩ sinema na mbathi. O na ĩngĩ, vai mũndũ waĩle kũvata andũ mayĩthukĩĩsya aini ana ma mbathi kana mbathi na, o na kana athaũki ana ma sinema aĩ nũndũ syĩndũ isu iyaĩle na kana andũ asu ti aseo.—Akalatia 6:5.
a Kwa ngelekanyʼo, Mbivilia nĩleete kyonthe kĩla kĩkonanĩtye na ũwe, ũlaalai, kana ũngʼendu.—Kũtũngĩlĩlwa Kwa Mĩao 18:10-13; Aeveso 5:3; Akolosai 3:8.