MAŨNDŨ MA VATA KUMA NDETONĨ YA NGAI | YELEMIA 51-52
Vai Ndeto o na Ĩmwe ya Yeova Ĩteanĩaa
Yeova nĩwathanie ateũvĩtya maũndũ ala maĩ mekĩke
Ndũĩka ya kwĩkya maangi ya ũsumbĩ wa Velisia
“Noai mauumu”
51:11, 28
Ametia na Avelisia maĩ ndũĩka sya kwĩkya mauumu, kana maangi, na ũta nĩwʼo waĩ mũio woo mũnene wa kaũ. Maseũvasya maangi moo na makamanoa nesa ũkethĩa maĩle kũtonya makalika vyũ
“Ngũmbaũ sya Mbaviloni nĩsyaleile kũkita”
51:30
Maandĩko ma Nabonidus Chronicle (Maũndũ ma Mavinda ma Nabonidus) maĩtye atĩĩ: “Ita sya Kulusi syalikile Mbaviloni vate kaũ.” Ũu nĩkwonanyʼa kana vai ita syaamasiĩĩa, na kĩu kyosanĩte vyũ na wathani wa Yelemia
Maandĩko ma Nabonidus Chronicle
“Mbaviloni ĩkatwʼĩka ivumbu [na] vakeethĩwa vathei tene na tene”
51:37, 62
Kwambĩĩa mwaka wa 539 Klĩsto ate mũsyae nguma ya Mbaviloni nĩyambĩĩe kũthela. Alexander Ũla Mũnene avangĩte kũtwʼĩkĩthya Mbaviloni mũsyĩ mũnene wa ũsumbĩ wake ĩndĩ mũvango ũsu ũtaneanĩa akwʼa. Ĩvindanĩ ya atũmwa ve Ayuti mekalaa kũu, o na nĩkyo kĩtumi mũtũmwa Vetelo ũwetetwe aithi Mbaviloni. Ĩndĩ kũvikĩĩa myaka ya 300 ũu Klĩsto e mũsyae, ndũa ĩsu yaĩ ĩanzo na ĩtina wa ĩvinda nĩyesie kũla vyũ