Asyai, Manyĩsyai Syana Syenyu Ũndũ Itonya Kũendeea Nesa

Asyai ala mamwendete Ngai nĩmendaa kwona syana syoo iitwʼĩka athũkũmi aĩkĩĩku ma Yeova. Asyai no matetheesye syana syĩke ũu kwa kũkindĩlĩĩla momanyĩsyo ma Mbivilia ngoonĩ syoo kuma syĩ nini. (Kũt 6:7; Nth 22:6) No nginya mũndũ ekĩe kĩthito kingĩ mũno nĩ kana eanĩsye ũndũ ũsu? Ĩĩ vyũ! Ĩndĩ manya kana kĩthito kyaku ti kya mana.—3Yoa 4.

Asyai no memanyĩsye maũndũ maingĩ kumana na Yosevu na Meli. ‘Kĩla mwaka nĩmaendaa Yelusaleme ĩvinda ya mboka ya Vasaka,’ o na kau yaĩ no nginya meke maũndũ maingĩ na maitũmĩa mbesa mbingĩ. (Lk 2:41) Ĩndĩ o na ũu wĩ o vo, moonaa ũndũ ũla wa vata vyũ kwoo ne kũtetheesya mũsyĩ woo ũmũthengeee Yeova. O ta ũu, ũmũnthĩ asyai no matongoesye syana syoo kwa nzĩa ĩla yaĩle, kwa kũtũmĩa kĩla mwanya waumĩla maimanyĩsye kwĩsĩla ndeto na ngelekanyʼo.—Sav 127:3-5.

ĨLOELEI VITIO YĨ NA KYONGO, NĨMATŨMĨAA KĨLA MWANYA MAKWATA NA ĨNDĨ MŨISŨNGĨA MAKŨLYO AA MAATĨĨE:

• Jon na Sharon Schiller meekie ata nĩ kana maendeee kũmantha Ũsumbĩ mbee o maendeee kũea syana?

• Nĩkĩ asyai maĩle kũmanyĩsya, kũtongoesya, na kũlũnga kĩla kana kwa nzĩa yĩ kĩvathũkanyʼo na kana kala kangĩ?

• Asyai matonya kũmbanyʼa syana syoo ata kwondũ wa matatwa ala matonya kũikwata?

• Ũtũmĩĩte syĩndũ syĩva ila tũnengetwe nĩ ũseũvyo wa Yeova kũtetheesya syana syaku syĩthĩwe na ngwatanĩo nzeo na Yeova?