Walanyʼo Kyumwanĩ Kya Matukũ 25 Mwei wa 3

KYUMWA KYA MATUKŨ 25 MWEI WA 3

Wathi 76 na Mboya

□ Ĩmanyĩsyo ya Mbivilia ya Kĩkundi:

jr-SW kĩl. 7 ¶1-6 (Ndat. 30)

□ Sukulu ya Ũthũkũmi wa Kĩtheokulasi:

Kũsoma Mbivilia: Luka 4-6 (Ndat. 10)

Na. 1: Luka 4:22-39 (Ndũkavĩtũke ndat. 4)

Na. 2: Ngo syĩ Kĩvathũkanyʼo sya Andũ Syaumie Va?—rs-SW ĩth. 95 ¶1-4 (Ndat. 5)

Na. 3: Ve Ũĩkĩĩthyo Mwaũ wa Kana Yesũ Nĩwathayũũkiwʼe?—1 Ako. 15:3-7 (Ndat. 5)

□ Ũmbano wa Ũthũkũmi:

Wathi 111

Ndat. 5: Kũtũmĩa Wathanthatũ wa Mbee Kũmantha Andũ wa Kũmanyĩwʼa Mbivilia. Ũitũmĩa maũndũ ma kwasya ala me ĩthangũnĩ ya 8, vethĩwe na wonanyʼo wa ũndũ tũtonya kwambĩlĩlya kwĩmanyĩsya Mbivilia na mũndũ Wathanthatũ wa mbee wa Mwei wa 4. Ĩkĩa onthe vinya mathi ũtavanyʼa Wathanthatũ ũsu.

Ndat. 25: “Ũndũ Tũtonya Kũtũmĩa Mbulosua Ũvoo Mũseo Kuma kwa Ngai!” Makũlyo na mosũngĩo. Mũineenea kalungu ka 6, vethĩwe na mawonanyʼo elĩ.

Wathi 97 na Mboya

3. Mbulosua Ũvoo Mũseo yĩ kĩvathũkanyʼo kyaũ na mavuku angĩ ma kũmanyĩsya?

³ Ũndũ Ĩvangĩtwe: Mavuku maingĩ ma kwĩmanyĩsya maandĩkĩtwe nĩ kana mũndũ ethĩwe atonya kũsoma na kũelewa ũwʼo, o na e weka. Mbulosua ĩno yĩ kĩvathũkanyʼo. Ĩandĩkĩtwe ĩtũmĩwe nĩ mũmanyĩwʼa wa Mbivilia vamwe na mũmanyĩsya. Kwoou, yĩla ũũnenga mũndũ Mbulosua ĩno, nĩ ũseo kũneenea kalungu kamwe kana twĩlĩ. Yĩ na tũlungu tũkuvĩ, na kwoou no ũtũneenee na mũndũ mũomonĩ kana vandũ va viasala. O na kau nĩ ũseo kwambĩĩa na ĩsomo ya mbee, no wambĩĩe kwĩmanyĩsya na mũndũ ũitũmĩa ĩsomo o na yĩva.

4. Mbulosua Ũvoo Mũseo ĩtũtetheeasya ata kũmanyĩsya kuma Mbivilianĩ?

⁴ Nthĩnĩ wa maingĩ ma mavuku maitũ, mosũngĩo ma makũlyo methĩawa tũlungunĩ. Kĩvathũkanyʼo na ũu, mbulosua ĩno mosũngĩo maingĩ mayo me Mbivilianĩ. Andũ aingĩ mendete kwĩmanyĩsya kuma Mbivilianĩ kwĩ kuma mavukunĩ maitũ. Kwoou vakuvĩ maandĩko onthe ala monanĩtwʼe mayumĩĩwʼe. Maĩle kũsomwa kuma Mbivilianĩ. Kwĩka ũu kũtumaa amanyĩwʼa maelewa kana meĩmanyĩsya Ndeto ya Ngai.—Isa. 54:13.

5. Nĩkĩ mũmanyĩsya waĩlĩte kwĩyũmbanyʼa nesa kwondũ wa kĩla ĩsomo?

⁵ Mbulosua ĩno ndĩeleetye maandĩko onthe. Kĩtumi nũndũ ĩseũvĩtwʼe yĩkĩe vinya amanyĩwʼa makũlye makũlyo na ĩinenga mũmanyĩsya mwanya wa kũtũmĩa ũtonyi wake wa kũmanyĩsya kũmũsũngĩa. Kwoou, nĩ ũseo kwĩthĩwa wĩyũmbanĩtye kwondũ wa kĩla ĩsomo. Ndũkaneene ĩvinda yingĩ. No twende kũelesya Maandĩko, ĩndĩ tũtetheeasya mũmanyĩwʼa mũnango yĩla twamũthokya aelesye ũndũ ũkũelewa. Twatũmĩa makũlyo nesa, nĩũmũtetheesya mũmanyĩwʼa aelewe nĩ kĩla ĩandĩko nesa.—Meko 17:2.