MAŨNDŨ MA VATA KUMA NDETONĨ YA NGAI | MWAMBĨLĨLYO 40-41
Yeova Nĩwamwovoisye Yosevu
Yosevu nĩwathĩnie vandũ va myaka ta 13 e ngombo na ovetwe yela Yeova atanamba kũmwovosya. Vandũ va kũthata, Yosevu nĩweemanyĩisye maũndũ maingĩ maseo kumana na kĩla kyamũkwatie. (Sav 105:17-19) Nĩweesĩ kana Yeova ndaĩ aamũtia. Yosevu atũmĩie ata ĩvinda yĩla waĩ thĩnanĩ?
Aĩ na kĩthito wĩanĩ wake na aĩ mũĩkĩĩku, na kwoou Yeova nĩwamũathimie.—Mwa 39:21, 22
Nĩwendeeawʼa nĩ andũ ala angĩ vandũ va kwĩyĩĩvanĩsya kwa andũ ala mamũthĩnasya.—Mwa 40:5-7
Maũndũ ala mamũkwatie Yosevu mandetheeasya ata kũmĩĩsya mathĩna?
O na kau nĩ na mathĩna, ndonya kũtũmĩa ĩvinda yĩĩ nesa ata neteele Yeova embonokya Alimaketoni?