• Walanyʼo Kyumwanĩ Kya Matukũ 19 Mwei Wa 1
    Ũthũkũmi wa Ũsumbĩ—2015 | Mwei wa 1

    • Walanyʼo Kyumwanĩ kya Matukũ 19 Mwei wa 1

      KYUMWA KYA MATUKŨ 19 MWEI WA 1

      Wathi 47 na Mboya

      Ĩmanyĩsyo ya Mbivilia ya Kĩkundi:

      bh kĩl. 16 ¶1-7 (Ndat. 30)

      Sukulu ya Ũthũkũmi wa Kĩtheokulasi:

      Kũsoma Mbivilia: Asili 1-4 (Ndat. 8)

      Na. 1: Asili 3:1-11 (Ndũkavĩtũke ndat. 3)

      Na. 2: Ũtonya Kwĩmanyĩsya Ĩũlũ wa Ngai Ata?—igw ĩth. 4 ¶1-4 (Ndat. 5)

      Na. 3: Mbivilia Ndĩtĩkĩlĩtye Kũtwaa Iveti Mbingĩ—td 20E (Ndat. 5)

      Ũmbano wa Ũthũkũmi:

      Kyongo kya Mwei ũũ: ‘Mũthũkũme Mwĩaĩi na wĩnyivyo wʼonthe.’—Meko 20:19.

      Wathi 77

      Ndat. 10: Nũtũmĩaa Kĩlungu Kĩla Kĩeleetye Ndeto Ila Itũmĩĩtwe Mbivilianĩ (Glossary)? Ũvoo na maelesyo ma ethukĩĩsya ũitũmĩa makũlyo aa: (1) Kĩlungu kĩla kĩ Mbivilianĩ nzaũ ya Tafsiri ya Ulimwengu Mpya ya Kĩsũngũ kĩla kĩeleetye ndeto ila itũmĩĩtwe kĩtonya kũtũtetheesya ata ĩla tũũsoma ĩandĩko ya (a) Kuma 28:30, (b) Mathayo 16:6, na (c) 2 Vetelo 2:4? (2) Tũtonya kũtũmĩa kĩlungu kĩu ata kũtetheesya mũmanyĩwʼa wa Mbivilia aelewe maũndũ ta (a) “ũtianĩo,” (b) “wovosyo,” na (c) “thayũ”? Ũiminũkĩlya, ĩkĩa ethukĩĩsya vinya matũmĩae kĩlungu kĩu. Ethĩwa mũi na Mbivilia nzaũ ya Tafsiri ya Ulimwengu Mpya kĩthyomonĩ kyenyu, onyʼa ana-a-asa ũndũ matonya kũtetheka matũmĩa Ũvoo wa Kwongeleela (Nyongeza) ũla wĩ nthĩnĩ wa Tafsiri ya Ulimwengu Mpya ya Kĩswaili. Ĩka ũu ũitũmĩa ũvoo ũla ũneneete “Jina la Mungu” (Syĩtwa ya Ngai), “Gehena” (Ngiena), na “Nafsi” (Thayũ).

      Ndat. 10: Kũmũthũkũma Mwĩaĩi Kwendaa Twĩthĩwe na Kĩthito na Tũyosa Ĩtambya. Ũvoo na maelesyo ma ethukĩĩsya ũitũmĩa Kitabu cha Mwaka—2014, ĩthangũ ya 59, kalungu ka 1, nginya ĩthangũ ya 62, kalungu ka 1; na ĩthangũ ya 67, kalungu ka 2. Thokya ethukĩĩsya maelesye maũndũ ala meemanyĩsya.

      Ndat. 10: “Endeea Kwĩka Maendeeo wĩ Mũtavanyʼa.” Makũlyo na mosũngĩo.

      Wathi 20 na Mboya

  • Endeea Kwĩka Maendeeo Wĩ Mũtavanyʼa
    Ũthũkũmi wa Ũsumbĩ—2015 | Mwei wa 1

    • 1. Nĩ ngelekanyʼo syĩva sya ĩvinda ya atũmwa syĩkwonanyʼa kana nĩtwaĩle kũendeea kwĩka maendeeo wĩanĩ witũ wa kũtavanyʼa?

      1 Aklĩsto nĩmaĩle kwĩka maendeeo wĩanĩ woo wa kũtavanyʼa. Kĩu nĩkyo kĩtumi Yesũ waendeeie kũmanyĩsya aatĩĩi make. (Luka 9:1-5; 10:1-11) O na nokyo kĩtumi Akwila na Vilisila mamwosie Avolo na “mamũvuanĩsya nzĩa ya Ngai nesa mbee wa vala wesĩ.” (Meko 18:24-26) Na nũndũ wa kĩtumi o kĩu, o na kau Timotheo aĩ na ũmanyi wa kũtavanyʼa, Vaulo nĩwamũthangaaisye aendeee kwĩka maendeeo kũmanyĩsyanĩ kwake nĩ kenda maendeeo make methĩwe me ‘moneku kwa onthe.’ (1 Tim. 4:13-15) O na ethĩwa twĩthĩĩtwe tũimũthũkũma Mwĩaĩi kwa ĩvinda ĩasavĩte ata twĩ atavanyʼa ma ũvoo mũseo, nĩtwaĩle kũendeea kũseũvĩĩsya nzĩa sitũ sya kũtavanyʼa.

      2. Twaĩle kwĩka ata nĩ kana twĩmanyĩsye kumana na ala angĩ?

      2 Ĩmanyĩsye Kumana na Ala Angĩ: Nzĩa ĩmwe ya kwĩka maendeeo ũtavanyʼanĩ witũ nĩ kwa kwĩmanyĩsya kuma kwa ala angĩ. (Nth. 27:17) Kwoou, ĩthukĩĩsye nesa ĩla mũtavanyʼa ũla wĩ nake ũkũneena na mwene nyũmba. Kũlya atavanyʼa ala me na ũmanyi mwingĩ makũelesye maũndũ mana ala matonya kũũtetheesya, na ũyĩthukĩĩsya nesa ũndũ meũkwĩa. (Nth. 1:5) Nĩwĩthĩwa wĩ na nzika ĩũlũ wa ũndũ ũtonya kũsyokea mũndũ, kwambĩĩa kwĩmanyĩsya Mbivilia na mũndũ, kana kũtavanyʼa kwa nzĩa ingĩ? Osa ĩtambya ya mbee, na ũikũlya mũsyaĩĩsya wa kĩkundi kyaku kya ũtavanyʼa kana mũtavanyʼa ũngĩ wĩ na ũmanyi aũtetheesye. O na ĩngĩ, lilikana kana veva wa Yeova no ũkũtetheesye. Kwoou mũvoyae Yeova kĩla ĩvinda aũnenge veva wake.—Luka 11:13.

      3. Twaĩle kwĩka ata ĩla twatavwʼa ũndũ ũtonya kũtũtetheesya o na tũtakũlĩtye?

      3 Ĩla watavwʼa ũndũ ũtonya kũũtetheesya o na ũtakũlĩtye, ndũkathate. (Mũta. 7:9) O tondũ Avolo weekie, ĩtĩkĩla ũtethyo wĩnyivĩtye na ũitũnga mũvea. Kwĩka ũu kwonanasya wĩ mũĩ.—Nth. 12:15.