Ũndũ ũtonya kũtetheka mũno nĩ ũvoo ũla wĩ ĩvukunĩ yĩĩ
Amba kũsoma ũvoo ũla wĩ ĩthangũnĩ yĩĩ na yĩla yĩatĩĩe, na ĩndĩ ũyĩloela VITIO.
KĨLUNGU KYA MBEE
Nĩ kana wĩyũmbanĩsye kĩla ĩsomo, soma ũvoo ũla wĩ ĩthangũnĩ ya mbee. Makũlyo ala maandĩkĩtwe na langi mũkwatu (A) na maandĩko (B) makindĩlĩĩle maũndũ ala manene. Lilikana kana maandĩko amwe maandĩkĩtwe “soma.”
KĨLUNGU KYA KATĨ
Ndeto sya mbee (C) ungu wa kyongo Ĩmanyĩsye Mũnango, syonanĩtye maũndũ ala ũkwĩmanyĩsya kĩlungunĩ kĩu. Twongo tũnini (D) tumĩlĩtye maũndũ ala manene. Somai maandĩko wĩ na mwalimũ waku, mũsũngĩe makũlyo, na mũyĩloela vitio.
VITIO na ILUNGU ILEKOTIĨTWE nĩsiũkũtetheesya kũelewa ũvoo ũla ũkwĩmanyĩsya nesanga. Vitio imwe syĩneenea ngewa sya wʼo. Ĩndĩ ingĩ syĩkĩte o kũelesya maũndũ mana matonya kumĩla.
Sisyai visa nesa, na maelesyo masyo (E), na ũisũanĩa ũndũ ũtonya kũsũngĩa ĩkũlyo yĩla yĩ ungu wa Andũ Amwe Maasya (F).
KĨLUNGU KYA MŨTHYA
Ĩsomo yĩminĩĩe na Kĩla Tweemanyĩsya na Makũlyo ma Kũsyokeleela (G). Andĩka matukũ ala wamina kwĩmanyĩsya kĩla ĩsomo. Ungu wa kyongo Ũndũ wa Kwĩka (H), ve ũndũ wa kũthũkũmĩa nĩ kana ũendeee kwĩmanyĩsya. Na ungu wa kyongo Maũndũ Angĩ ma Kwĩmanyĩsya (I), nũkwĩthĩa ũvoo ũngĩ ũtonya kũsoma kana vitio ũtonya kwĩloela.
Maũndũ Ala Me Vo
|
|
|
|
|
Ũndũ ũtonya kũkwata mĩsoa ya Mbivilia
Mbivilia yĩ na mavuku 66. Na ĩaanĩtwʼe kũndũ kwĩlĩ: Maandĩko ma Kĩevelania na Kĩalamu (“Ũtianĩo Mũkũũ”) na Maandĩko ma Kĩkiliki ma Kĩklĩsto (“Ũtianĩo Mweũ”).
Maandĩko ala monanĩtwʼe ĩvukunĩ yĩĩ maandĩkĩtwe na ĩsyĩtwa ya ĩvuku ya Mbivilia (A), ĩkaatĩĩwa nĩ kĩlungu (B), na ĩndĩ mũsoa kana mĩsoa (C).
Kwa ngelekanyʼo, Yoana 17:3 yĩonanyʼa kana waĩle kũvua ĩvuku ya Yoana, kĩlungu kya 17, na mũsoa wa 3.