Anyanya Ma Ngai Nĩmevathanaa na Ũthũku

Satani atataa andũ nĩ kenda meke maũndũ mathũku. Mũndũ ũla ũkwenda kwĩthĩwa mũnyanya wa Ngai nĩwaĩlwe nĩ kũmena ũndũ ũla Yeova ũmenaa. (Savuli 97:10) Aa vaa nĩ amwe ma maũndũ ala anyanya ma Ngai mevathanaa namo:

Naĩ sya ngomanʼyo. “Ndũkalaalae.” (Kuma 20:14) Kwĩthĩwa na ngomanʼyo mbee wa mũtwaano o nakwʼo nĩ ĩvĩtyo.—1 Akolintho 6:18.

Ũnywi (Ũthengi). “Anywi . . . maikatiĩwa ũsumbĩ wa Ngai.”—1 Akolintho 6:10.

Ũaani, Kumya Ĩvu. “Ndũkoae.”—Kuma 20:13.

Ũngʼei. “Ndũkoye.”—Kuma 20:15.

Kũneena ũvũngũ. Yeova nũmenaa “ũĩmĩ ũla ũneenaa ũvũngũ.”—Nthimo 6:17.

Ũngʼendu Wĩ Wũkiti na Ũthatu ũte Wĩtingʼo. “Ngoo [ya Yeova] nĩmenete ũla . . . wendete ũngʼendu.” (Savuli 11:5) “Mawĩa ma mwĩĩ [nĩ vamwe na] . . . mothilĩku [“ithũlũmũko sya ũthatu,” NW].”—Akalatia 5:19, 20.

Kũtha Syũthĩ sya Mbesa. “Mũikavulane na mũndũ . . . wĩ ĩtomo.”—1 Akolintho 5:11.

Kĩmena kya Kĩũko na kya Kĩmbaĩ. “Mendei amaitha menyu, na mavoyeaei ala mamũthĩnasya.”—Mathayo 5:43, 44.

Maũndũ ala Ngai ũtũtavasya nĩ kwondũ wa ũunĩko witũ. Ndwĩthĩawa ũndũ mũvũthũ mavinda onthe kwĩvathana na kwĩka maũndũ mathũku. Kwa kũtethwʼa nĩ Yeova na Ngũsĩ syake, nũtonya kwĩvatha ndũkeke maũndũ ala matendeeasya Ngai.—Isaia 48:17; Avilivi 4:13; Aevelania 10:24, 25.