Anyanya Ma Ngai Mekaa Ũseo

Yĩla wĩ na mũnyanya ũkwendeeasya na ũmũtaĩĩte, nũtataa kwĩkala take. “Yeova nĩ mũseo na mũlũngalu,” nĩwʼo Mbivilia yaasya. (Savuli 25:8) Nĩ kenda twĩthĩwe anyanya ma Ngai, no nginya twĩthĩwe twĩ aseo na alũngalu. Mbivilia yaasya atĩĩ: “Ĩthĩwai mũkĩ[ĩ]elekanʼya na Ngai, ta twana twendetwe; na mũkĩendaa nthĩnĩ wa wendo.” (Aeveso 5:1, 2) Ii vaa nĩ imwe sya nzĩa sya kwĩka ũu:

Ĩthĩwa mũndũ ũtethasya ala angĩ. “Twĩkei andũ onthe nesa.”—Akalatia 6:10.

Tethya wĩa na vinya. “Ũla woyie ndakoye ĩngĩ: ĩndĩ kavaa atethye wĩa, akĩkaa na moko make ũndũ ũla waĩlĩte.”—Aeveso 4:28.

Endeea kwĩthĩwa wĩ mũtheu kĩmwĩĩ na kĩmwĩkalĩle. “Twĩthesye ene ũvuku wʼonthe wa mwĩĩ na wa ngoo, tũkĩanĩsya ũtheu nthĩnĩ wa kũmũkĩa Ngai.”—2 Akolintho 7:1.

Ĩka andũ ma mũsyĩ waku maũndũ me wendo na ndaĩa. “Kĩla mũndũ wenyu . . . nakyende kĩveti kyake o ũndũ wĩyendete mwene; na kĩveti nĩkĩmũkĩe mũũme. Syana, mewʼei ala mamũsyaie.”—Aeveso 5:33–6:1.

Onanʼya wendo kwa ala angĩ. “Twendanei ene kwa ene: nũndũ wendo nĩ wa Ngai.”—1 Yoana 4:7.

Ĩwʼa mĩao ya nthĩ. “Kĩla mũndũ nĩethĩwe e mwĩwi wa [silikalĩ] . . . Nengai onthe kĩla kyaĩle: koti kwa ũla waĩlwe nĩ kumĩwʼa koti.”—Alomi 13:1, 7.