Kĩkwʼũ kya Yesũ Kyonanasya Ata Kwaku?

Yesũ akwie nĩ kana tũtonye kwĩthĩwa thayũ. Yoana 3:​16

Mĩthenya ĩtatũ ĩtina wa Yesũ akwʼa, iveti imwe syaendie mbũanĩ na syeethĩa yĩ nthei. Yeova aĩ amũthayũũkĩtye Yesũ kuma akwʼũnĩ.

Ĩtina Yesũ nĩwamaumĩlĩĩile atũmwa make.

Kwa wʼo, Yeova aĩ amũthayũũkĩtye Yesũ ta kyũmbe kĩna vinya, kya kĩveva kĩ thayũ ũtatonya kũkwʼa. Amanyĩwʼa ma Yesũ nĩmamwonie ambatĩte ĩtunĩ.

Ngai athayũũkisye Yesũ na amũtwʼĩkĩthya Mũsumbĩ wa Ũsumbĩ wa Ngai. Ndanieli 7:​13, 14

Yesũ aumisye thayũ wake wĩthĩwe wovosyo kwondũ wa andũ. (Mathayo 20:28) Kwĩsĩla wovosyo ũsu, Ngai nũtumĩte vatonyeka twĩkale tene na tene.

Yeova amũnyuvie Yesũ ta Mũsumbĩ asumbĩke nthĩ yonthe. Akeethĩwa vamwe na andũ aĩkĩĩku 144,000 ala mathayũũkĩtwʼe mekale ĩtunĩ. Yesũ vamwe na ala 144,000 maseũvĩtye silikalĩ ya ĩtunĩ ndũngalu​—⁠Ũsumbĩ wa Ngai.​—⁠Ũvuanʼyo 14:​1-3.

Ũsumbĩ wa Ngai ũkatwʼĩkĩthya nthĩ valatiso. Kaũ, ũngʼendu, ũkya, na nzaa syĩikethĩwa vo ĩngĩ. Andũ makatanĩa mũno.​—⁠Savuli 145:⁠16.