Kũthĩnwʼa
Nĩkĩ Aklĩsto mataĩle kũsengʼa yĩla meũthĩnwʼa?
Yĩla tũũthĩnwʼa, nĩkĩ twaĩlĩte kũmũkũlya Yeova atũtwʼĩĩke?
Sav 55:22; 2Ko 12:9, 10; 2Ti 4:16-18; Avl 13:6
Ngewa syĩ Mbivilianĩ itonya kũũtethya:
1Asu 19:1-18—Yĩla mwathani Eliya wathĩnawʼa, nĩwamũtulũĩle Yeova ngoo yake, na Yeova amũlũlũmĩĩlya na amũkiakisya
Mek 7:9-15—Yosevu nĩwathĩniwʼe nĩ ana-a-inyia, ĩndĩ Yeova nĩwaendeeie kwĩthĩwa e mũĩkĩĩku kwake, amwovosya, na ĩtina esa kũmũtũmĩa kwovosya mũsyĩ woo
Nĩ nzĩa imwe syĩva andũ matũmĩaa kũthĩnyʼa angĩ?
Kũumana
2Mav 36:16; Mt 5:11; Mek 19:9; 1Vt 4:4
Ngewa syĩ Mbivilianĩ itonya kũũtethya:
2Asu 18:17-35—Lavisake, ũla waneenaa kwondũ wa mũsumbĩ wa Asuli nĩwamũumie Yeova na aneenea naĩ andũ make ala mekalaa Yelusaleme
Luk 22:63-65; 23:35-37—Andũ ala mamũthĩnasya Yesũ nĩmamũumie na mamũthekeea yĩla wakwatiwe na e mũtĩnĩ wa mathĩna
Kũvĩngwa nĩ andũ ma mũsyĩ
Yĩla twakwatwa na twatwawa mbee wa ala me na ũkũmũ
Kũvũwa kana kwĩkwa maũndũ angĩ ma kũũmĩsya
Kũvithũkĩwa nĩ nguthu ya andũ
Kũawa
Aklĩsto maĩle kwĩka ata yĩla meũthĩnwʼa?
Mt 5:44; Mek 16:25; 1Ko 4:12, 13; 1Vt 2:23
Ngewa syĩ Mbivilianĩ itonya kũũtethya:
Mek 7:57–8:1—Sitivini atanamba kũawa nĩ nguthu ya andũ yathatĩte, nĩwamũkũlilye Ngai amewʼĩe tei andũ asu mamũthĩnasya, na ũmwe woo aĩ Saulo wa Taliso
Mek 16:22-34—O na kau mũtũmwa Vaulo nĩwakũniwe na ooveewa maaũ make katĩ wa mbwaũ ilĩ ngito, nĩwamwonisye ũseo mũsikalĩ wa yela, na kĩu kyatuma mũndũũme ũsu na andũ onthe ma mũsyĩ wake matwĩka etĩkĩli
Nĩ kyaũ kyakwatie Aklĩsto amwe ĩvindanĩ ya atũmwa?
Twaĩlĩte kwĩthĩwa na woni wĩva yĩla tũũthĩnwʼa?
Wĩkwatyo witũ wa ĩvinda yũkĩte ũtũlũlũmĩĩlasya ata yĩla tũũthĩnwʼa?
Yĩla tũũthĩnwʼa, nĩkĩ tũtewʼaa nthoni, tũkakĩa, kana o na kũtũlĩka ngoo, na nĩkĩ tũtaekaa kũmũthũkũma Yeova?
Sav 56:1-4; Mek 4:18-20; 2Ti 1:8, 12
Ngewa syĩ Mbivilianĩ itonya kũũtethya:
2Mav 32:1-22—Yĩla Mũsumbĩ Senakelivu wavithũkĩie Yelusaleme na nguthu nene ya asikalĩ, Mũsumbĩ Esekia, ũla waĩ mũĩkĩĩku, nĩwamwĩkwatisye Yeova na alũlũmĩĩlya andũ make, na nũndũ wa ũu, nĩwaathimiwe mũno
Avl 12:1-3—Ala mathĩnasya Yesũ nĩmendaa kũmwĩkĩĩthya nthoni, ĩndĩ ndaaĩtĩkĩlya ndeto syoo itume atũlĩka ngoo
Nĩ maũndũ meva maseo matonya kwĩkĩka yĩla tũũthĩnwʼa?
Twomĩĩsya yĩla tũũthĩnwʼa, nĩtũmwendeeasya Yeova na tũituma ĩsyĩtwa yake yĩtaĩwa
Ngewa syĩ Mbivilianĩ itonya kũũtethya:
Yovu 1:6-22; 2:1-10—O na kau Yovu ndeesĩ kana Satani nĩwe wamũetee mathĩna ala waĩ namo, Yovu nĩwalũmanisye na Yeova na kĩu kyatuma ĩsyĩtwa ya Ngai yĩtaĩwa, na oonanyʼa kana Satani nĩ mũkengani
Nda 1:6, 7; 3:8-30—Aanania, Misaeli, na Asalia (Satalaki, Mesaki, na Aveti-neko) maĩ aĩkĩĩku na nĩmatwʼĩte vyũ kũmwĩwʼa Yeova, o na kau kĩu kyesaa kũtuma makwʼa kĩkwʼũ kĩ woo mũno, na ũu nĩwatumie Mũsumbĩ Nevukatilesa ũla wathaithaa ngai sya ũvũngũ amũtaĩa Yeova mbee wa andũ
Kũthĩnwʼa no kũtume angĩ memanyĩsya ĩũlũ wa Yeova
Ngewa syĩ Mbivilianĩ itonya kũũtethya:
Mek 11:19-21—Aklĩsto ala manyaĩĩkie nũndũ wa kũthĩnwʼa nĩmaendeeie kũnyaĩĩkya ũvoo mũseo isionĩ mbingĩ
Avi 1:12, 13—Mũtũmwa Vaulo nĩwatanie kũmanya kana andũ aingĩ nĩmeemanyĩisye ũvoo mũseo moona ũndũ woomĩĩisye yĩla waĩ mwove
Yĩla twoomĩĩsya kũthĩnwʼa, nĩtũlũlũmĩĩlasya etĩkĩli ala angĩ
Nĩ kwa nzĩa yĩva atongoi ma ndĩni na andũ ma siasa methĩawa me mũsitalĩnĩ wa mbee kũthinyʼa athũkũmi aĩkĩĩku ma Ngai?
Yel 26:11; Mko 3:6; Yoa 11:47, 48, 53; Mek 25:1-3
Ngewa syĩ Mbivilianĩ itonya kũũtethya:
Mek 19:24-29—Andũ ala maseũvasya mathembo Eveso kwondũ wa Alitemi, moonaa ũvoo ũla Aklĩsto matavanasya ũtonya kũmanangĩa viasala, na kwoou mambĩĩa kũthĩnyʼa Aklĩsto
Aka 1:13, 14—Vaulo (Saulo), ũla waĩ na kĩthito kingĩ ndĩninĩ ya Ayuti, nĩwathĩnisye kĩkundi mũno atanamba kũtwĩka Mũklĩsto