Wĩanĩu
Wĩanĩu nĩ kyaũ?
Sav 18:23-25; 26:1, 2; 101:2-7; 119:1-3, 80
Ngewa syĩ Mbivilianĩ itonya kũũtethya:
Ali 22:17-22—Yeova endaa nthembo ila waumĩawʼa sya nyamũ syĩthĩwe syĩ “mbĩanĩu” kana ite kĩema. Ndeto ĩla ĩalyũlĩtwe “mbĩanĩu” kĩthyomonĩ kya Kĩevelania nĩthengeanĩe na ĩla ĩalyũlĩtwe “wĩanĩu,” kwonanyʼa nĩ kana tũendeee kũlũmya wĩanĩu witũ no nginya tũmwĩyumĩsye Yeova e weka na ngoo yonthe
Yovu 1:1, 4, 5, 8; 2:3—Yovu nĩwoonanisye thayũnĩ wake wʼonthe kana nĩ kenda mũndũ ethĩwe e mwĩanĩu, no nginya amũnenge Yeova ndaĩa kuma ngoonĩ, amũthũkũme e weka, na ayĩvathana na maũndũ ala matamwendeeasya
Nĩkĩ wĩanĩu nĩ wa vata?
Sav 7:8, 9; 25:21; 41:12; Nth 10:9; 11:3
O na ĩngĩ sisya Mko 12:30
Nĩ kyaũ kĩtonya kũtũtetheesya tũlũmye wĩanĩu witũ?
1Mav 29:17; Nth 2:7
O na ĩngĩ sisya Nth 27:11; 1Yo 5:3
Nĩ kyaũ kĩtonya kũtũtetheesya kwaka na kũlũmya wĩanĩu witũ?
Yos 24:14, 15; Sav 101:2-4
O na ĩngĩ sisya Kũt 5:29; Isa 48:17, 18
Ngewa syĩ Mbivilianĩ itonya kũũtethya:
Yovu 31:1-11, 16-33—Thayũnĩ wake wʼonthe, Yovu nĩwoonanisye kana aĩ mũĩkĩĩku kwa Yeova nũndũ nĩweevathanie na mwĩkalĩle ũtaĩle, nĩwakuaa angĩ nesa, na nĩwamanengae ndaĩa. Amũthaithaa Yeova e weka, na ndathaithaa mĩvwʼanano, na onaa ngwatanĩo yake na Yeova yĩ ya vata kwĩ syĩndũ ila waĩ nasyo
Nda 1:6-21—O na kau Ndanieli e na anyanya make atatũ mathyũlũlũkĩtwe nĩ andũ matamũthaithaa Ngai, nĩmalũmanisye na mĩao ya Yeova o na yĩla manyuvaa meya lĩu wĩva
We Mũndũ ũmũvĩtĩsye Yeova mavinda maingĩ no aendeee kwĩthĩwa e mwĩanĩu?
Ngewa syĩ Mbivilianĩ itonya kũũtethya:
1Asu 9:2-5; Sav 78:70-72—Nũndũ Mũsumbĩ Ndaviti nĩweelilile na Yeova amũekea, Yeova nĩwaendeeie kũmwona e mũndũ mũĩkĩĩku
Isa 1:11-18—O na kau Yeova atavisye andũ make kana maĩ na wanganganyʼa na nĩmeekĩte naĩ mbingĩ, nĩwamathie kana meelila kuma ngoonĩ na maialyũla mwĩkalĩle woo mũthũku akamaekea