Mũtwaano

Nũũ mwambĩlĩĩlya wa mũtwaano?

Mwa 1:27, 28; 2:22-24; Mt 19:4-6

Mũklĩsto aĩle kũnyuva ũũ matwaane?

Nĩkĩ Mũklĩsto wa wʼo ũtaĩle kwĩtĩkĩlya mwana kana mwĩĩtu wake mũvatise atwae kana atwawe nĩ mũndũ ũte mũthũkũmi wa Yeova wĩyumĩtye na akavatiswa?

1Ko 7:39; 2Ko 6:14, 15

Ngewa syĩ Mbivilianĩ itonya kũũtethya:
- Mwa 24:1-4, 7—O na kau Avalaamu aĩ mũkũũ, nĩwatwʼĩte vyũ kũmanthĩa mwana wake Isaka kĩveti katĩ wa athaithi ma Yeova na ti Akanaani ala mathaithaa ngai ingĩ
- Mwa 28:1-4—Isaka eeie mwanae Yakovo akemanthĩe kĩveti katĩ wa athaithi ala angĩ ma Yeova na ti katĩ wa Akanaani

Yeova ewʼaa ata yĩla ũmwe wa athũkũmi make watwaa mũndũ ũte mwĩtĩkĩli?

Kũt 7:3, 4

Ngewa syĩ Mbivilianĩ itonya kũũtethya:
- 1Asu 11:1-6, 9-11—Yeova nĩwamũthatĩie Mũsumbĩ Solomoni nũndũ nĩwavũthĩĩisye mĩao yake na atwaa aka ma nthĩ ingĩ ala matumie ambĩĩa kũthaitha ngai sya ũvũngũ
- Nee 13:23-27 —O ta Yeova, Ngavana Neemia nĩwathatie mũno yĩla aũme Aisilaeli matwaie aka ma mbaĩ ingĩ ala matamũthaithaa Yeova na nũndũ wa ũu, nĩwamoseie ĩtambya amakanyʼe

Nĩkĩ wĩthĩawa wĩ ũndũ wa ũĩ kũnyuva mũthũkũmi wa Yeova mũĩkĩĩku na wĩ na mwĩkalile mũseo yĩla ũũmantha mũndũ wa kũtwaana nake?

Nth 18:22; 31:10, 28

O na ĩngĩ sisya Aev 5:28-31, 33

Ngewa syĩ Mbivilianĩ itonya kũũtethya:
- 1Sa 25:2, 3, 14-17—O na kau Navali aĩ mũthwii, ndaĩ mũũme mũseo kwa Avikaili, nũndũ aĩ mũngʼendu na nĩwamũthĩnasya mũno
- Nth 21:9—Twalea kũnyuva kwa ũĩ mũndũ ũla tũũtwaana nake, kĩu no kĩtume twĩthĩwa tũte atanu na tũte na mũuo
- Alo 7:2—Mũtũmwa Vaulo nĩwawetie kana yĩla mũndũ mũka watwawa, ethĩawa e ungu wa ũkũmũ wa mũũme wake o na kau ti mwĩanĩũ, na kwoou mũndũ mũka mũĩ nĩwĩthĩawa e metho yĩla ũkũnyuva ũla ũkũmũtwaa

Kwĩyũmbanĩsya mũtwaano

Nĩkĩ mũndũũme waĩle kũĩkĩĩthya kana no asũvĩe mũsyĩ wake atanamba kũtwaana?

1Ti 5:8

Ngewa yĩ Mbivilianĩ ĩtonya kũũtethya:
- Nth 24:27—Mũndũũme atanamba kũtwaana, na o na atanamba kũkwata syana, nĩwaĩlĩte kũthũkũma na kĩthito nĩ kana aĩkĩĩthye no eanĩsye mavata ma mũsyĩ wake

Yĩla andũ elĩ mekwĩvaanyʼa, nĩkĩ maĩlĩte kũmantha ũtao mũseo na maimanyana nesanga vandũ va kũsisya ũndũ mũndũ ũilye o vaa methonĩ?

Nth 13:10; 1Vt 3:3-6

Ngewa syĩ Mbivilianĩ itonya kũũtethya:
- Lu 2:4-7, 10-12—Mboasi nĩwamũmanyie Luthi nesa asisya ũndũ wathũkũmaa na kĩthito, avindĩĩsya maũndũ maseo ala weewʼĩte ĩũlũ wake, oona ũndũ wamũsũvĩaa Naomi, na ũndũ wamwendete Yeova
- Lu 2:8, 9, 20—Luthi amũmanyie Mboasi nesa oona ũndũ wamũkuaa nesa, ũndũ waĩ mũlau na ũndũ wamwendete Yeova

Nĩkĩ Yeova wendaa ala mekwĩvaanyʼa methĩwe na mwĩkalĩle mũtheu?

Aka 5:19; Ako 3:5; 1Th 4:4

Ngewa syĩ Mbivilianĩ itonya kũũtethya:
- Nth 5:18, 19—Nzĩa imwe sya kwonanyʼa wendo no sya ala matwaanĩte
- Wa 1:2; 2:6—Yĩla mwĩĩtu Mũsulami weevaanasya na mwanake ũmwe waĩthasya, nĩmoonanisye kana nĩmendene kwa nzĩa ĩla yaĩlĩte na ntheu
- Wa 4:12; 8:8-10—Mwĩĩtu Mũsulami nĩwaendeeie kwĩthĩwa e mũtheu na nĩwoonanisye nguma ya kwĩsiĩĩa, na nĩkyo kĩtumi ũelekanĩtwʼe na mũũnda mwiĩe

Nĩkĩ ala meũtwaana maĩle kwĩka ũu kwosana na mĩao?

Mt 22:21; Alo 13:1; Tit 3:1

Kĩanda kya mũndũũme nthĩnĩ wa mũsyĩ

Yeova anengete aũme ianda syĩva ngito?

Aev 5:23, 25, 28-31, 33

Aũme Aklĩsto maĩlĩte kũatĩĩa ngelekanyʼo yaũ yĩla meũtongoesya mĩsyĩ yoo?

1Ko 11:3; Aev 5:23

Nĩkĩ nĩ ũndũ wa vata mũũme onanyʼe kana nĩwendete mũka wake na nũkũelewa ũndũ ũkwĩwʼa?

Ako 3:19; 1Vt 3:7

Ngewa syĩ Mbivilianĩ itonya kũũtethya:
- Mwa 21:8-12—Yeova nĩwamwĩie Avalaamu ethukĩĩsye mũka wake Sala, o na kau ndendeeawʼa nĩ woni wake
- Nth 31:10, 11, 16, 28—O tondũ mĩsoa ĩno yonanĩtye, mũndũũme mũĩ na wĩ na kĩveti kĩ na nguma nzeo ndalasimĩthasya kĩveti kyake kĩke kĩla ũndũ kwosana na ũndũ we ũkwenda, na ndaumanasya kĩla kaũndũ kyeeka, ĩndĩ ethĩawa akĩĩkĩĩe na nũkĩkathaa
- Aev 5:33—Ndeto mbeveee ila syaandĩkiwe nĩ mũtũmwa Vaulo syĩonanyʼa kana kĩveti nĩkyaĩle kũmanya kana mũũme wakyo nũkyendete

Kĩanda kya kĩveti

Nĩ kĩanda kĩva kya vata Yeova ũnengete iveti?

Mwa 2:18; Ako 3:18; Tit 2:4, 5

Kyo kĩveti nĩkyaĩle kwĩwʼa ta kĩte kya vata nũndũ wa kĩanda kĩla Yeova ũkĩnengete nthĩnĩ wa mũsyĩ?

Mwa 1:26-28, 31; 2:18

Ngewa syĩ Mbivilianĩ itonya kũũtethya:
- Nth 1:8; 1Ko 7:4—Ngai nũnengete iveti na aka ala me na syana ũkũmũ wĩana ũna nthĩnĩ wa mũsyĩ
- 1Ko 11:3—Mũtũmwa Vaulo nĩwaeleisye kana ũseũvyonĩ wa Yeova, andũ onthe methĩawa me ungu wa ũkũmũ mũna ate o Ngai Mwene Vinya Wʼonthe
- Avl 13:7, 17—Kĩkundinĩ kya Kĩklĩsto, aũme na aka nĩmaĩlĩte kwĩnyivĩsya ala manyuvĩtwe matũtongoesye na maimakwataa mbau

Mũndũ mũka Mũklĩsto ũtwaĩtwe nĩ mũndũ ũte mwĩtĩkĩli atonya kũmũtanĩthya Yeova ata?

1Ko 7:13-16; 1Vt 3:1, 2

Nĩkĩ mũndũ mũka Mũklĩsto waĩlĩte kũnenga ndaĩa mũũme wake?

Aev 5:33

Ngewa yĩ Mbivilianĩ ĩtonya kũũtethya:
- Mwa 18:12e; 1Vt 3:5, 6—Sala nĩwamũnengete mũũme wake ndaĩa nene nũndũ o na amwonaa ta “mwĩaĩi” wake kana mũndũ ũtonya kũmũtongoesya maũndũnĩ ma kĩ-veva

Mũndũ mũka mũtwae ũla ũkathĩtwe Mbivilianĩ ethĩawa na nguma syĩva?

Nth 19:14; 31:10, 13-31

Ngewa syĩ Mbivilianĩ itonya kũũtethya:
- Mwa 24:62-67—Leveka nĩwakiakiisye mũũme wake, Isaka, ĩtina wa kũkwʼĩĩwa nĩ inyia wake
- 1Sa 25:14-24, 32-38—Avikaili nĩwamũsũvĩie mũũme wake ũla waĩ mũtumanu na atangĩĩa mũsyĩ wake yĩla waneenie na Ndaviti enyivĩtye
- Est 4:6-17; 5:1-8; 7:1-6; 8:3-6—Esita, mũka wa mũsumbĩ, nĩwalikilye thayũ wake mũisyonĩ mavinda elĩ yĩla waendie mbee wa mũsumbĩ atetĩtwe nĩ kana akesũve mũsumbĩ avonokye andũ ma Ngai

Kũmina mathĩna

Nĩ myolooto yĩva ĩtonya kũtetheesya ala matwaanĩte mamine mathĩna ala maumĩla mũtwaanonĩ woo?

1Ko 13:4-8; Aev 5:33; Ako 3:12-14

Nĩ myolooto yĩva ĩtonya kũtetheesya ala matwaanĩte methĩwe na woni ũla waĩle ĩũlũ wa mbesa?

Luk 12:15; Avi 4:5; 1Ti 6:9, 10; Avl 13:5

O na ĩngĩ sisya “Mbesa”

Nĩ myolooto yĩva ĩtonya kũtetheesya andũ matwaanĩte mamine mathĩna ala matonya kumĩla katĩ woo na andũ ma mũsyĩ, kana athoni?

Sav 34:14; Mt 19:5, 6; 1Ko 13:4, 5

Nĩ myolooto yĩva ĩtonya kũtetheesya ala matwaanĩte maũndũnĩ makonetye kũmanyana kĩ-mwĩĩ?

Nth 5:15-20; Mt 5:27, 28; 1Ko 7:3-5; 10:24; Avi 2:4; Avl 13:4

Nĩkĩ nĩ ũndũ wa vata mũndũ kũsiasya nguma ila nzeo sya ũla ũtwaanĩte nake vandũ va mavĩtyo make?

Sav 103:14; 130:3, 4; Nth 17:9; 1Vt 4:8

Nĩkĩ nĩ ũndũ wa vata ala matwaanĩte kũmina mathĩna ala maumĩla na mĩtũkĩ na me na wendo vandũ va kwoveea woo ngoonĩ na mayĩkala mathatanĩe?

Sav 37:8; Nth 14:29; Aev 4:26, 27; Yak 1:19, 20

Nĩkĩ Mũklĩsto ũtaĩlĩte kũmũthatĩa mũno, kũmũkũthũkĩa, kũmũumanga, kana kũmũũmĩsya kĩ-mwĩĩ ũla matwaanĩte nake?

Sav 11:5; Aka 5:19-21; Aev 4:31, 32; Tit 3:2

Yĩla thĩna waumĩla mũtwaanonĩ, ala matwaanĩte maĩlĩte kwĩka ata?

Sav 34:14; Mt 5:9; Alo 12:17, 18, 21

Yĩla ala matwaanĩte mamwĩtĩkĩlya Yeova amatongoeasye, makwataa moathimo meva?

Mũta 4:9-12

Myolooto ya Yeova ĩũlũ wa mũtwaano

Yeova ewʼaa ata yĩla andũ mathasya mũtwaano mate na kĩtumi kĩseo?

Mal 2:13-16

Mũndũ no atwaane kana akatwawa ĩngĩ ĩtina wa kũkwʼĩĩwa nĩ mũũme kana mũka?

Alo 7:2, 3; 1Ko 7:39