Makũlyo ma Kũsyokea Sukulu ya Ũthũkũmi wa Kĩtheokulasi

Makũlyo aa maatĩĩe makaneenewa nthĩnĩ wa Sukulu ya Ũthũkũmi wa Kĩtheokulasi kyumwa kya Matukũ 30, Mwei wa 6, 2014.

1. Nĩkĩ nĩ ũndũ wa vata kũatĩĩa mwolooto ũla wĩ nthĩnĩ wa Kuma 23:2 ĩla tũũnyuva maũndũ ma kwĩtanĩthya? [Kyumwa kya Matukũ 5, Mwei wa 5, w11-SW 7/15 ĩth. 10-11 kal. 3-7]

2. Nĩkĩ yaĩ no nginya athembi maatĩĩe mwĩao ũla manengetwe wa kũthamba matambĩte kũmumĩsya Yeova nthembo, na nĩkĩ athũkũmi ma Ngai ũmũnthĩ maĩle kũatĩĩa mwĩao ũsu? (Kuma 30:18-21) [Kyumwa kya Matukũ 19, Mwei wa 5, w96-SW 7/1 ĩth. 9 kal. 9]

3. Nĩkĩ Aluni ndaaũawa nũndũ wa kũseũvya kasaũ ka thaavu? (Kuma 32:1-8, 25-35) [Kyumwa kya Matukũ 19, Mwei wa 5, w04-SW 3/15 ĩth. 27 kal. 4]

4. Nĩ kwa nzĩa yĩva woni wa Aklĩsto ĩũlũ wa kwĩvaanyʼa na kũtwaana wosanĩte na mwĩao ũla Ngai wanengete Aisilaeli amavatĩte kũtwaa andũ ma mbaĩ ingĩ? (Kuma 34:12-16) [Kyumwa kya Matukũ 26, Mwei wa 5, w89-E 11/1 ĩth. 20-21 kal. 11-13]

5. Nĩkĩ ngelekanyʼo ya Mbesaleli na Ooliavu itwĩkĩaa vinya mũno? (Kuma 35:30-35) [Kyumwa kya Matukũ 26, Mwei wa 5, w10-SW 9/15 ĩth. 10 kal. 13]

6. “Kĩlaũnĩ” kĩtheu kĩla kyaĩ ngovianĩ ĩla yeekĩawa nĩ mũthembi mũnene wa Isilaeli kyamũlilikanasya kyaũ, na ũndũ ũsu wĩtũmanyĩsya kyaũ ĩũlũ wa kwĩyumya? (Kuma 39:30) [Kyumwa kya Matukũ 2, Mwei wa 6, w01-SW 2/1 ĩth. 14 kal. 2-3]

7. Mũklĩsto aĩlĩte kwĩka ata ĩla Mũklĩsto ũngĩ weeka naĩ ngito? (Ali. 5:1) [Kyumwa kya Matukũ 9, Mwei wa 6, w97-SW 8/15 ĩth. 27]

8. Nthembo sya mũuo syaĩ na vata mwaũ ĩvindanĩ ya Aisilaeli, na nthembo isu syonanasya kyaũ kwitũ ũmũnthĩ? (Ali. 7:31-33) [Kyumwa kya Matukũ 16, Mwei wa 6, w12-SW 1/15 ĩth. 19 kal. 11-12]

9. Nĩ kyaũ kĩtonya kwĩthĩwa kyatumie ana ma Aluni, Natavu na Aviu, meka naĩ, na twĩĩmanyĩsya kyaũ? (Ali. 10:1, 2, 9) [Kyumwa kya Matukũ 23, Mwei wa 6, w04-SW 5/15 ĩth. 22 kal. 6-8]

10. Nĩkĩ kũsyaa kwatumaa mũndũ mũka ethĩwa e “mũvuku”? (Ali. 12:2, 5) [Kyumwa kya Matukũ 23, Mwei wa 6, w04-SW 5/15 ĩth. 23 kal. 2]