Makũlyo ma Kũsyokea Sukulu ya Ũthũkũmi wa Kĩtheokulasi
Makũlyo aa maatĩĩe makaneenewa nthĩnĩ wa Sukulu ya Ũthũkũmi wa Kĩtheokulasi kyumwa kya Matukũ 31, Mwei wa 8, 2015.
Nĩ maũndũ meva ma wʼo ĩũlũ wa Yeova Ngai ala matwĩkĩaa vinya me nthĩnĩ wa mboya ĩla Solomoni waumisye, na kũsũanĩa kwa ũliku ĩũlũ wa maũndũ asu kũtonya kũtũtethya ata? (1 Asu. 8:22-24, 28) [Kyumwa kya Matukũ 6, Mwei wa 7, w05-SW 7/1 ĩth. 30 kal. 3]
Ngelekanyʼo ya Ndaviti ya kwĩthĩwa e na ‘wĩanĩu wa ngoo’ ĩtwĩkĩaa vinya ata twĩyĩelekanyʼe nake? (1 Asu. 9:4) [Kyumwa kya Matukũ 13, Mwei wa 7, w12-SW 11/15 ĩth. 7 kal. 18-19]
Nĩ ũndũ wĩva wa vata tũtonya kwĩmanyĩsya kumana na ũndũ Yeova wamũtũmie Eliya kwa mũndũ mũka ndiwa wa Nzalevathi? (1 Asu. 17:8-14) [Kyumwa kya Matukũ 27, Mwei wa 7, w14-SW 2/15 ĩth. 14]
Kũsũanĩa kwa ũliku ĩũlũ wa maũndũ ala mawetetwe ĩandĩkonĩ ya 1 Asumbĩ 17:10-16 kũtonya kũtwĩkĩa vinya ata tũendeee na ũtwi witũ wa kwĩthĩwa tũmwĩkwatĩtye Yeova vyũ? [Kyumwa kya Matukũ 27, Mwei wa 7, w14-SW 2/15 ĩth. 13-15]
Ngelekanyʼo ya Eliya ya kũmĩanĩsya na mawĩmakĩo ĩtonya kũtũtetheesya ata? (1 Asu. 19:4) [Kyumwa kya Matukũ 3, Mwei wa 8, ia-SW ĩth. 102-103 kal. 10-12; w14 1/3 ĩth. 15, kal. 15-16]
Yeova eekie ata ĩla woonie mwathani wake mũĩkĩĩku Eliya akwʼĩte ngoo, na tũtonya kũatĩĩa ata ngelekanyʼo ya Ngai witũ wĩ wendo? (1 Asu. 19:7, 8) [Kyumwa kya Matukũ 3, Mwei wa 8, w14 1/6 ĩth. 20, kal. 15-16]
Mũsumbĩ Aavu aĩ na woni wĩva mũthũku, na Aklĩsto ũmũnthĩ matonya kwĩsũvĩa ata maikeke ũndũ ta ũsu? [Kyumwa kya Matukũ 10, Mwei wa 8, lv ĩth. 164-165, ĩsandũkũ; w14-SW 2/1 ĩth. 14, kal. 3-4]
Tũtonya kwĩmanyĩsya kyaũ kumana na kĩla Elisa wamwĩsũvie Eliya amwĩke, na mũno mũno ĩla twakwata kĩanda kyeũ ũthũkũminĩ witũ kwa Yeova? (2 Asu. 2:9, 10) [Kyumwa kya Matukũ 17, Mwei wa 8, w03-SW 11/1 ĩth. 31, kal. 5-6]
Andũ ma mũika matonya ata kũatĩĩa ngelekanyʼo ya mũĩkĩĩo na ũkũmbaũ wa kelĩtu kanini ka Isilaeli kala kawetetwe ĩandĩkonĩ ya 2 Asumbĩ 5:1-3? [Kyumwa kya Matukũ 24, Mwei wa 8, w12-SW 2/15 ĩth. 12-13, kal. 11]
Nĩ ndaĩa syĩva sya Yeu ila athũkũmi onthe ma Yeova maĩle kwĩthĩwa nasyo ĩvindanĩ yĩĩ ya mũminũkĩlyo? (2 Asu. 10:16) [Kyumwa kya Matukũ 31, Mwei wa 8, w11-SW 11/15 ĩth. 5, kal. 4]