Kwosa ĩvinda ya kwĩmanyĩsya Mbivilia na kũvindĩĩsya kĩla weemanyĩsya
Ũndũ Ũtonya Kwasya
AMKENI!
Ĩkũlyo: Yo Mbivilia yumĩte kwa Ngai? Kana nĩ ĩvuku yĩandĩkĩtwe mesilya ma andũ?
Ĩandĩko: 2Tim 3:16
Ũndũ ũtonya kwasya: Ĩkaseti yĩĩ ya Amkeni! yĩneeneete maũndũ atatũ mekũĩkĩĩthya kana Mbivilia kwa wʼo yumĩte kwa Ngai.
MANYĨSYA ŨLA WʼO
Ĩkũlyo: Twaĩle kwona ata mũthĩnzĩo wa thayũ?
Ĩandĩko: Ũvu 4:11
Ũwʼo: Nĩtũnengae thayũ ndaĩa nĩkwĩthĩwa nĩ mũthĩnzĩo kuma kwa Ngai. Nĩtũtataa mũno tũikalikye thayũ witũ mũisyonĩ na tũyĩsa kũaa mũndũ o twĩsĩ. Nĩtwonaa thayũ wĩ kĩndũ kya vata.
NĨ KYAŨ KĨTONYA KŨTUMA MŨSYĨ WĨTHĨWA NA ŨTANU?
Ĩkũlyo: Kwasisya ĩkũlyo yĩĩ yĩ tulakitinĩ ĩno vamwe na mosũngĩo ala amwe matonya kũnengane. We ũtonya kũsũngĩa ata?
Ĩandĩko: Lk 11:28
Ũndũ ũtonya kwasya: Tulakiti ĩno nĩyonanĩtye ũndũ kũmanya ũsũngĩo wa ĩkũlyo yĩu kũtonya kũtethya mũsyĩ waku na nĩkĩ tũtonya kũĩkĩĩa kĩla Mbivilia yaasya.
ANDĨKA MAŨNDŨ MA KŨTŨMĨA ŨTAVANYʼANĨ
Tũmĩa nzĩa ĩla yonanĩtwʼe ngelekanyʼonĩ ila syĩ vaa ĩũlũ nĩ kana ũandĩke maũndũ maku ma kũtũmĩa ũtavanyʼanĩ.