Syokeleelaa Maũndũ Ala Manene

Mavinda amwe we nũngʼangʼanaa kũlilikana kĩla weemanyĩsya? Ũsu nĩ ũndũ ũkwataa kĩla ũmwe witũ mavinda kwa mavinda. Nĩ kyaũ kĩtonya kũũtetheesya? Syokeleelaa maũndũ ala manene.

Yĩla ũkwĩmanyĩsya, tataa kũũngama mavinda amwe na ũivindĩĩsya kĩla weemanyĩsya. Kĩu nokyo mũtũmwa Vaũlo wathuthisye ana-a-asa na eĩtu-a-asa meke yĩla mekwĩmanyĩsya valũa ũla wamaandĩkĩĩte. Ameie: “Na yu ũũ nĩwʼo ũndũ wa vata.” (Aevl. 8:1) Me na kĩu kĩlĩkonĩ, maĩ matonya kũelewa kĩla wawetaa na ũndũ ndeto syake syakwatĩanĩe.

Ĩtina wa kwĩmanyĩsya, no ũtwʼe kwosaa ndatĩka ta 10 ũvindĩĩsye maũndũ manene ala weemanyĩsya. Na ethĩwa ndũũlilikana nesa kĩla weemanyĩsya, soma ĩngĩ syongo nini kana sendenzi ya mbee kĩla kalungunĩ. Ethĩwa nĩwasoma kĩndũ kyeũ, tata kũkĩelesya ũtũmĩĩte ndeto syaku. Yĩla wasyokeleela maũndũ ala manene, ũkekalaa ũmalilikene na ũkaeleawa mũnango ũndũ ũtonya kũmatũmĩa.