Kũsola Nĩkũtetheeasya Mũndũ Kũlilikana Kĩla Wasoma

Ti mavinda onthe wĩthĩawa wĩ ũndũ wĩ laisi kũlilikana kĩla tweemanyĩsya. O na vailye ũu, nĩwonete kana wĩthĩawa wĩ ũndũ wĩ laisi kũlilikana maũndũ ala Yesũ wamanyĩasya nũndũ mavinda maingĩ atũmĩaa ngelekanyʼo? Wĩthĩawa ũtonya kũkũna visa wa maũndũ ala waneeneaa na kĩu kĩikũtetheesya kũmalilikana. O ta ũu, no ũlilikane maũndũ maingĩ ala ũkwĩmanyĩsya wakũna visa kĩlĩkonĩ. Ũtonya kwĩka ũu ata? No ũsolae visa yĩla ũkwĩmanyĩsya.

Andũ ala masolaa visa sya maũndũ meũ ala meemanyĩsya nĩmakothaa kũmalilikana nesanga. Kũsola visa nĩkũmatetheeasya kũelewa nesa ndeto ila masoma, ĩndĩ ũndũ ũla wa vata vyũ nĩ kana nĩkũmatetheeasya kũelewa maũndũ ala manene. Ti lasima visa isu syĩthĩwe isoletwe nesa vyũ. Na ũkunĩkĩli wonanĩtye kana ala akũũ nĩmo mũno mũno matonya kũtetheka nĩ nzĩa ĩĩ ya kwĩmanyĩsya.

Yĩĩngĩ ũkwĩthĩwa ũyĩmanyĩsya we mwene, no ũtate kũsola visa sya maũndũ ala ũendeee kwĩmanyĩsya. Weeka ũu, no ũsengʼe woona ũndũ ũũlilikana maũndũ maingĩvĩte!