6 Pɩkɔm nɛ pɩtɛmna se ɛɖʋzɩ mbʋ payɩ ɛɛwɛna yɔ Yosɛɛfʋ nesi tɛɛ, nɛ etaakeŋni nabʋyʋ nɛ pɩtasɩnɩ tɔɔnaɣ ŋga ɛtɔkaɣ yɔ. Pɩtasɩ lɛ, Yosɛɛfʋ kaatalɩ evebu nɛ eeɖewa.

9 Nɛ hɔŋ ñʋndɩnaa la sʋsɩ Yosɛɛfʋ+ nɛ pɛpɛdɩ-ɩ Ejipiti.+ Ɛlɛ Ɛsɔ kaawɛ ɛ-cɔlɔ,+ 10 nɛ eholi-i ɛ-kʋñɔmɩŋ kpeekpe taa nɛ ɛlabɩ-ɩ kʋjɔʋ nɛ ɛha-ɩ lɔŋsɩnɖɛ Ejipiti wiyaʋ Farawɔɔ ɛsɩndaa. Nɛ ɛlɩzɩ-ɩ se eɖiyi Ejipiti nɛ ɛ-ɖɩɣa kpeekpe.+