23 «Ŋkaɣ kpaɣʋ akasɩya ɖaŋ nɛ ŋlabɩnɩ ɖɔɖɔ taabɩlɩ,+ kɩ-ɖaɣlɩkɩŋ ɛkɛ nuŋgolonzi 2 nɛ kɩ-walanzɩ kɛ nuŋgoloŋa kʋɖʋmaɣ nɛ kɩ-kʋkʋyɩŋ kɛ nuŋgoloŋa kʋɖʋmaɣ nɛ hɔɔlʋʋ.+ 24 Ŋkaɣ kpaɣʋ sika kele kele ñɩŋga nɛ ŋtaa kɩ-yɔɔ nɛ ŋkpaɣ sika nɛ ŋlabɩnɩ kɩ-nɔsɩ nɛ pɩcɔɔ pɩta. 25 Ŋkaɣ labʋ kpɛŋa nɛ pɩcɔɔ-kʋ nɛ pɩta nɛ ka-walanzɩ kɛ niwee 4 walanzɩ,* nɛ ŋkpaɣ sika nɛ ŋla kɔ-nɔɔ nɛ pɩcɔɔ-kɛ nɛ pɩta. 26 Ŋkaɣ kpaɣʋ sika nɛ ŋlabɩnɩ-kʋ kokoo 4 nɛ ŋɖʋ-yɛ kɩ-kɔnanaa 4 taa, ɖenɖe pakam kɩ-nɩŋgbanzɩ 4 yɔ. 27 Pɩwɛɛ se kokoo ana añɔtɩnɩ kpɛŋa nɛ akɛ ɖɩɖɔkɩyɛ nɖɩ ɖɩ-taa pakaɣ ɖaŋ lɛkʋʋ se pakpaɣnɩ taabɩlɩ yɔ. 28 Ŋkaɣ caʋ akasɩya ɖaŋ nɛ ŋñɔɔzɩ-ɩ nɛ ŋtaa ɩ-yɔɔ sika nɛ pakpakɩɣnɩ taabɩlɩ.