• Kɩgalʋʋ 35:22-25
    Bibl—Ɛjaɖɛ kɩfaɖɛ tɔm ɖɛzʋʋ

    • 22 «“Ɛlɛ ye ɛtaaɖʋna nɛ ye pɩtaakɛ paɖɩyɛ yɔɔ etuzi-i yaa ye pɩtaakɛ ɛzaɣtʋ lɩmaɣzɩyɛ naɖɩyɛ yɔɔ* ɛyaɣ-ɩ nabʋyʋ,+ 23 yaa ye ɛlaba nɛ kaaʋ nakʋyʋ ɖabɩ-ɩ ŋgʋ ɛtaana-ɩ nɛ ɛlɛ taakɛ e-koyindu yaa ɛtaañɩnɩɣ ɛlɛ kɩdɛkɛdɩm, nɛ ɛyʋ ɛnʋ ɛsɩ yɔ, 24 ɖɩnɛ ɛlɛ pɩwɛɛ se samaɣ ɛhʋʋ ɛyʋ weyi ɛkʋ lɛlʋ yɔ nɛ calɩm kɩmɩyɛ kpayʋ pɛ-hɛkʋ taa tɔm, nɛ pɩla nɔɔ kʋɖʋmaɣ nɛ tɔm hʋʋ paɣtʋ tʋnɛ.+ 25 Ðɩnɛ ɛlɛ samaɣ kaɣ lɩzʋʋ ɛyʋ kʋyʋ ɛnʋ calɩm kɩmɩyɛ kpayʋ nesi tɛɛ nɛ kapɩsɩnɩ-ɩ ɖɩjɔzɩyɛ tɛtʋ ndʋ tɩ-taa eesewa nɛ ewolo yɔ, nɛ pɩwɛɛ se ɛcaɣ tɩ-taa nɛ pɩkɔɔ nɛ pɩsɩɩnɩ alɩwaatʋ ndʋ cɔjɔ kɩlɩm weyi pata-ɩ num kiɖeɖem yɔ ɛsɩba yɔ.+

  • Wayɩ Wayɩ Paɣtʋ 19:3-5
    Bibl—Ɛjaɖɛ kɩfaɖɛ tɔm ɖɛzʋʋ

    • 3 Ɛjaɖɛ nɖɩ ñɛ-Ɛsɔ Yehowa cɛlɩ-ŋ se ɖɩpɩsɩ ña-ñɩm yɔ, pɩwɛɛ se ŋtayɩ ɖi-egeetiye hɔɔlɩŋ 3 taa, pɩwɛɛ ɖɔɖɔ se ŋñɔɔzɩ habɛɛ nɛ ɛyʋ kʋyʋ pɩzɩ ese nɛ ewolo tɛtʋ ndʋ tɩ-taa natʋyʋ taa.

      4 «Ɛzʋnɔ pɩwɛɛ se pɩɖɔ ɛyʋ kʋyʋ weyi eseɣ se ewolo peeɖe nɛ ɛcaɣ wezuu yɔ ɛ-hɔɔlʋʋ taa: Ye ɛkʋ ɛyʋ nɔɔyʋ ɛlɛ ɛtaaɖʋna nɛ ɛtaapaɖɩɣ-ɩ yɔ;+ 5 ye pɩlaba se ɛ nɛ nɔɔyʋ pasʋ laʋ tɛɛ se pacaa ɖasɩ nɛ ɛkpazɩ laɖɩyɛ se ekeɖi tɩʋ, ɛlɛ laɖɩyɛ kpɛɛ ɖɩ-ɖaʋ yɔɔ nɛ ɖɩyaɣ ɛlɛ nɛ ɛsɩ yɔ, pɩwɛɛ se ɛyʋ kʋyʋ ɛnʋ ese nɛ ewolo tɛtʋ ndʋ tɩ-taa natʋyʋ taa nɛ ɛpɩzɩ nɛ ɛcaɣ wezuu.+

  • Yozuwee 20:7-9
    Bibl—Ɛjaɖɛ kɩfaɖɛ tɔm ɖɛzʋʋ

    • 7 Pʋyɔɔ palɩzɩ kɩjaʋ* Kedɛɛsɩ+ ŋgʋ kɩwɛ Galilee, Naftalii pʋŋ egeetiye taa yɔ, Sekɛɛm+ ŋgʋ kɩwɛ Efrayim pʋŋ egeetiye taa yɔ, nɛ Kiriyatɩ-Arba,+ pʋ-tɔbʋʋ se Ebrɔŋ, ŋgʋ kɩwɛ Yuuda pʋŋ egeetiye taa yɔ. 8 Yɔɔrdaŋ egeetiye taa, Yeriikoo wɩsɩ ɖɩlɩyɛ taa lɛ, palɩzɩ Bezɛɛrɩ+ ŋgʋ kɩkɛ Rubɛɛnɩ cejewiye tɛtʋ nɛ tɩwɛɛ kañɩmbusuu taa piyaɣ ŋga ka-ñʋʋ taa wɛ landamm yɔ kɔ-yɔɔ yɔ, Ramɔɔtɩ+ ŋgʋ kɩkɛ Gaadɩ cejewiye tɛtʋ nɛ tɩwɛɛ Galaadɩ yɔ, nɛ Golaŋ+ ŋgʋ kɩkɛ Manaasee cejewiye+ tɛtʋ nɛ tɩwɛɛ Basaanɩ yɔ.

      9 Tɛtʋ ndʋ palɩzɩ Izrayɛɛlɩ mba kpeekpe nɛ agɔma mba pɛwɛ pɛ-hɛkʋ taa yɔ, se ye pɩlaba se nɔɔyʋ kʋ ɛyʋ* nɛ ɛtɩɖʋna yɔ, ese nɛ ewolo peeɖe+ nɛ ɛtaasɩ calɩm kɩmɩyɛ kpayʋ nesi tɛɛ nɛ patɩhʋtɩ ɛ-tɔm samaɣ ɛsɩndaa.+