27 Kɩlaʋ kifiɣduu laŋɩyɛ nɛ nɩŋgbaŋaɣ ŋga kɛwɛ hɔɔlʋʋ kiɖeɖeu ŋgʋ paafiɣdaa yɔ kɩ-taa yɔ, ŋgʋ paakpaɣ cɔjɔtʋ tʋmɩyɛ paɣzʋʋ ɛyaʋ+ yɔɔ alɩwaatʋ ndʋ paala Aarɔɔnɩ nɛ ɛ-pɩyalaa yɔɔ yɔ, pɩwɛɛ se ŋla nɛ papɩsɩ wondu kiɖeɖetu. 28 Pɩkaɣ pɩsʋʋ Aarɔɔnɩ nɛ ɛ-pɩyalaa pa-pʋyʋ nɛ pɩkɛ tamtam paɣtʋ ndʋ tɩ-yɔɔ pɩwɛɛ se Izrayɛɛlɩ mba ɩɖɔ yɔ, mbʋ pʋyɔɔ yɔ pɩkɛ hɔɔlʋʋ kiɖeɖeu, nɛ pɩkaɣ pɩsʋʋ hɔɔlʋʋ kiɖeɖeu ŋgʋ pɩwɛɛ se Izrayɛɛlɩ mba ɩha yɔ.+ Pɩkɛ pɔ-hɔɔlʋʋ kiɖeɖeu ŋgʋ pakpaɣ pa-laŋhɛzɩyɛ kɩlaŋ+ yɔɔ nɛ paha Yehowa yɔ.