-
Kɩgalʋʋ 21:33, 34Bibl—Ɛjaɖɛ kɩfaɖɛ tɔm ɖɛzʋʋ
-
-
33 Pʋwayɩ lɛ, papɩsɩ nɛ pakpaɣ Basaanɩ nʋmɔʋ kpaʋ yɔɔ. Nɛ Basaanɩ wiyaʋ Oogi+ nɛ ɛ-samaɣ kpeekpe palɩɩ se poyooni-wɛ Edreyi.+ 34 Nɛ Yehowa heyi Moyizi se: «Taase-i sɔɔndʋ,+ mbʋ pʋyɔɔ yɔ mankaɣ ɖʋzʋʋ ɛ nɛ ɛ-samaɣ kpeekpe nɛ ɛ-ɛjaɖɛ ñe-nesi tɛɛ,+ nɛ ŋkaɣ-ɩ labʋ ɖeyi ɖeyi ɛzɩ ŋŋlabʋ Amoori mba wiyaʋ Sihɔɔnɩ weyi ɛɛwɛ Hɛsɩbɔɔnɩ yɔ.»+
-
-
Wayɩ Wayɩ Paɣtʋ 3:3Bibl—Ɛjaɖɛ kɩfaɖɛ tɔm ɖɛzʋʋ
-
-
3 Mbʋ ɖɛ-Ɛsɔ Yehowa ɖʋzɩ ɖɔɖɔ Basaanɩ wiyaʋ Oogi nɛ ɛ-samaɣ kpeekpe ɖe-nesi tɛɛ, nɛ ɖɩwɛɛ pa-kʋʋ yɔɔ pɩkɔɔ nɛ pɩsɩɩnɩ alɩwaatʋ ndʋ pɩtɩkazɩ ɛ-samaɣ taa nɔɔyʋ yɔ.
-
-
Yozuwee 9:9, 10Bibl—Ɛjaɖɛ kɩfaɖɛ tɔm ɖɛzʋʋ
-
-
9 Peeɖe pocosi-i se: «Ðooo poliŋ ɛjaɖɛ naɖɩyɛ taa ña-lɩmɖʋyaa lɩnaa,+ ñɛ-Ɛsɔ Yehowa hɩɖɛ yɔɔ, mbʋ pʋyɔɔ yɔ ɖɩnɩ ɛzɩma ɛ-hɩɖɛ sɛwa yɔ pɩ-tɔm nɛ mbʋ payɩ ɛɛlabɩ Ejipiti yɔ,+ 10 nɛ mbʋ payɩ ɛɛlabɩ Amoori mba awiya 2 wena aawɛ Yɔɔrdaŋ hɔɔlʋʋ lɛɛkʋ* yɔɔ yɔ, pʋ-tɔbʋʋ se Hɛsɩbɔɔnɩ wiyaʋ Sihɔɔnɩ+ nɛ Basaanɩ wiyaʋ Oogi+ weyi ɛɛwɛ Astarɔtɩ yɔ.
-