9 Izrayɛɛlɩ mba ya Yehowa se ɛsɩnɩ-wɛ lɛ,+ Yehowa kʋsɩ ñʋʋ yaɖʋ nɔɔyʋ se eholi Izrayɛɛlɩ mba,+ ɛnʋ lɛ Kalɛɛbɩ neu Kenaazɩ pɩyalʋ Otɩnɩyɛɛlɩ.+ 10 Yehowa fezuu tii ɛ-yɔɔ,+ nɛ ɛpɩsɩ Izrayɛɛlɩ tɔm hʋyʋ. Ewobi you lɛ, Yehowa ɖʋzɩ Mezoopotamii* wiyaʋ Kuusaanɩ-Risatayim e-nesi taa nɛ ɛwa Kuusaanɩ-Risatayim.

34 Peeɖe Yehowa fezuu tibi* Gideyɔɔ yɔɔ+ nɛ ɛyaa nɔndɔʋ,+ nɛ Abi-Ezɛɛrɩ mba+ tɩŋ ɛ-wayɩ se pasɩnɩ-ɩ.

29 Nɛ Yehowa fezuu tii Yɛftee yɔɔ,+ nɛ ɛtɩŋnɩ Galaadɩ nɛ Manaasee egeetiye taa nɛ ewolo Galaadɩ tɛ Mizpee,+ nɛ ɛkʋyɩnɩ Galaadɩ tɛ Mizpee nɛ ɛɖɛɛ Amooni mba wayɩ.

5 Nɛ Samsɔɔ nɛ ɛ-caa nɛ e-ɖoo petii Timina. Ɛtalɩ Timina viiñi hayɩm nabʋyʋ taa lɛ, na! Mʋʋzʋʋ* nakʋyʋ wɛɛ nɛ kɩmʋdʋʋ nɛ kɩkɔŋnɩ ɛ-yɔɔ. 6 Ðɩnɛ ɛlɛ, Yehowa fezuu kpazɩ-ɩ ɖoŋ+ nɛ ɛcɩyɩ mʋʋzʋʋ ŋgʋ nabʋlɛ, ɛzɩ ɛyʋ cɩyʋʋ mbeɣa nabʋlɛ nɛ e-nesi kpɛɖɛ yɔ. Ɛlɛ etiheyi ɛ-caa yaa e-ɖoo mbʋ ɛlaba yɔ.

10 Nɛ pakʋyɩnɩ peeɖe nɛ powolo piyaɣ yɔɔ, nɛ nayaa tindimiye naɖɩyɛ katɩ-wɛ. Kpaagbaa mbʋ lɛ, Ɛsɔ fezuu ha-ɩ ɖoŋ,+ nɛ ɛpaɣzɩ yɔɔdʋʋ natʋ tɔm+ pɛ-hɛkʋ taa. 11 Mba payɩ paasɩmɩ-ɩ ɖooo lɔŋ yɔ, pana ɛ nɛ nayaa peɖiɣni yɔɔdʋʋ natʋ tɔm lɛ, pɔpɔzʋʋ ɖama se: «Ɛbɛ talɩ Kiisi pɩyalʋ? Sɔɔlɩ ɖɔɖɔ wɛ nayaa taa kɛ?»

13 Nɛ Samɩyɛɛlɩ kpaɣ num hɩlʋʋ+ nɛ ɛtaa-ɩ num ɛ-ɖalaa ɛsɩndaa. Nɛ Yehowa fezuu paɣzɩ ɖoŋ haʋ Daviid kpaɣnɩ evemiye nɖɩ.+ Pʋwayɩ lɛ, Samɩyɛɛlɩ kʋyɩ nɛ ɛkpaɣ ɛ-nʋmɔʋ nɛ ɛɖɛɛ Ramaa.+