10 Nɛ ɛsaɣ kerebimwaa 2 ɖɩɣa hɔɔlʋʋ ŋgʋ payaɣ se Lone Kiɖeɖeye nɖɩ ɖɩkpaɖaa yɔ kɩ-taa, nɛ ɛpɔ pɔ-yɔɔ sika.+ 11 Kerebimwaa mba pe-keŋ+ tɩŋa ɖaɣlɩkɩŋ kaakɛ nuŋgolonzi 20; kerebim kajalaɣ ñɩnʋ keluu kʋɖʋmʋʋ ɖaɣlɩkɩŋ kaakɛ nuŋgolonzi 5 nɛ kitukuuni ɖɩɣa koloŋa, nɛ e-keluu lɛɛkʋ ɖaɣlɩkɩŋ kaakɛ nuŋgolonzi 5 nɛ kitukuuni kerebim lɛlʋ keŋ taa kʋɖʋmʋʋ. 12 Nɛ kerebim lɛlʋ keluu kʋɖʋmʋʋ ɖaɣlɩkɩŋ kaakɛ nuŋgolonzi 5 nɛ kitukuuni ɖɩɣa koloŋa lɛɛka, nɛ e-keluu lɛɛkʋ ɖaɣlɩkɩŋ kaakɛ nuŋgolonzi 5 nɛ kitukuuni kerebim kajalaɣ ñɩnʋ keŋ taa kʋɖʋmʋʋ. 13 Kerebimwaa mba, pe-keŋ kaaposaa nɛ pɩtalɩ nuŋgolonzi 20; nɛ paasɩŋ pa-nɩŋgbanzɩ yɔɔ nɛ paha ɛsa nɛ pɩ-taa kiŋ.*

8 Nɛ kerebimwaa keŋ posi lone nɖɩ ɖɩ-taa pasɩ Aɖakaɣ yɔ ɖɩ-ñʋʋ yɔɔ, piyeba nɛ kerebimwaa huuzi Aɖakaɣ nɛ ka-ɖaŋ+ yɔɔ nɛ hayo kiŋ.