25 Amaziya kaawɛnɩ pɩnzɩ 25 alɩwaatʋ ndʋ ɛpɩsɩ wiyaʋ yɔ, nɛ ɛtɔɔ kewiyitu pɩnzɩ 29 Yeruzalɛm. Payaɣaɣ e-ɖoo se Yehowadaanɩ, ɛɛkɛ Yeruzalɛm tʋ.+ 2 Ewobi pɩ-yɔɔ nɛ ɛla mbʋ pɩtʋʋzɩ Yehowa ɛsɩndaa yɔ, ɛlɛ ɛtɩla mbʋ nɛ laŋɩyɛ pilim. 3 Kewiyaɣ tɩɩkɔm nɛ kɛcɛyɩsɩ camɩyɛ e-nesi tɛɛ lɛ, ɛkʋ ɛ-lɩmɖʋyaa mba paakʋ ɛ-caa weyi ɛɛkɛ wiyaʋ yɔ.+ 4 Ɛlɛ ɛtɩkʋ pa-pɩyalaa, mbʋ pʋyɔɔ yɔ ɛlabɩ mbʋ pɩlabɩ nɔɔ kʋɖʋmaɣ nɛ tɔm ndʋ pama Paɣtʋ taa, Moyizi takayaɣ taa yɔ. Yehowa yɔɔdɩ peeɖe se: «Pɩtɩpɔzɩ se caanaa ɩsɩ pa-pɩyalaa kɩwɛɛkɩm yɔɔ, nɛ pɩtɩpɔzɩ se pɩyalaa ɩsɩ pa-caanaa kɩwɛɛkɩm yɔɔ; ɛlɛ pɩwɛɛ se paa weyi lɛ ɛsɩ ɛ-maɣmaɣ ɛ-kɩwɛɛkɩm yɔɔ.»+