-
1 Samɩyɛɛlɩ 16:11, 12Bibl—Ɛjaɖɛ kɩfaɖɛ tɔm ɖɛzʋʋ
-
-
11 Kɛdɛzaɣ ɖeɖe lɛ, Samɩyɛɛlɩ pɔzɩ Yesee se: «Ña-pɩyalaa tɩŋa yɔ?» Nɛ ɛlɛ cosi se: «Pɩkazɩ pa-taa cikpelu;+ ɛwɛɛ nɛ eɖiyiɣ heŋ ñɩtʋ taa.»+ Nɛ Samɩyɛɛlɩ heyi Yesee se: «Tiyi nɛ payaa-ɩ, mbʋ pʋyɔɔ yɔ ye ɛtɩkɔɔ cɩnɛ yɔ ɖɩɩkaɣ caɣʋ se ɖɩtɔɔ tɔɔnaɣ.» 12 Nɛ etiyi nɛ pɔkɔnɩ-ɩ Samɩyɛɛlɩ cɔlɔ. Ɛɛkɛ pɩɣa evelaɣ kɩsɛɛmaɣ, ɛ-ɛsa ɖewa, nɛ eɖe pɩdɩɩfɛyɩ.+ Nɛ Yehowa yɔɔdɩ se: «Kʋyɩ, taa-ɩ num, mbʋ pʋyɔɔ yɔ ɛnʋ lɛ!»+
-
-
1 Samɩyɛɛlɩ 17:15Bibl—Ɛjaɖɛ kɩfaɖɛ tɔm ɖɛzʋʋ
-
-
15 Daviid lɩɣaɣnɩ Sɔɔlɩ tɛ nɛ ewoki Bɛtɩlɛhɛm ɖoŋ ɖoŋ nɛ eɖiyiɣ ɛ-caa heŋ+ nɛ ɛpɩsɩɣ.
-
-
1 Samɩyɛɛlɩ 25:30Bibl—Ɛjaɖɛ kɩfaɖɛ tɔm ɖɛzʋʋ
-
-
30 Nɛ Yehowa lakɩ man-kɩbaɣlʋ kɩbam mbʋ payɩ ɛyɔɔdaa se ɛlakɩ-ɩ yɔ nɛ eyele nɛ ŋpɩsɩ Izrayɛɛlɩ ɖiyiyu lɛ,+
-
-
2 Samɩyɛɛlɩ 7:8-11Bibl—Ɛjaɖɛ kɩfaɖɛ tɔm ɖɛzʋʋ
-
-
8 Lɛɛlɛɛyɔ lɛ, heyi tɔm tʋnɛ ma-lɩmɖʋyʋ Daviid: “Tɔm tʋnɛ yoyaa tɛ Yehowa yɔɔdʋʋ: ‘Mankpaɣ-ŋ nɛ lona wena a-taa kpɩna tɔkɩ ñɩtʋ yɔ, ŋtɩŋaɣ kpɩna lɛ,+ se ŋpɩsɩ man-samaɣ Izrayɛɛlɩ ɖiyiyu.+ 9 Nɛ mankaɣ wɛʋ ñɔ-cɔlɔ paa le ŋwoki yɔ,+ nɛ mankaɣ ɖɩzʋʋ ño-koyindinaa tɩŋa ñɛ-ɛsɩndaa;+ nɛ mankaɣ yebu nɛ ña-hɩɖɛ sɛɛ siŋŋ+ ɛzɩ ɛyaa sɔsaa mba pa-hɩla sɛ tɛtʋ yɔɔ yɔ. 10 Mankaɣ lɩzʋʋ man-samaɣ Izrayɛɛlɩ lone naɖɩyɛ nɛ mansɩɩ-kɛ peeɖe, nɛ kakaɣ wɛʋ peeɖe nɛ nɔɔyʋ ɛɛkaɣ-kɛ tasʋʋ cɛyʋʋ; nɛ ɛyaa kɩdɛkɛdaa ɩɩkaɣ-kɛ tasʋʋ nazʋʋ ɛzɩ paalabʋ-kɛ nɛ pɩɖɛɛ yɔ,+ 11 kpaɣnɩ kɩyakʋ ŋgʋ malɩzɩ tɔm hʋyaa+ se peɖiyi man-samaɣ Izrayɛɛlɩ yɔ. Nɛ mankaɣ yabʋ ña-ñʋʋ ño-koyindinaa kpeekpe nesi tɛɛ nɛ maha-ŋ hɛzɩyɛ.+
-