• 2 Samɩyɛɛlɩ 8:15-18
    Bibl—Ɛjaɖɛ kɩfaɖɛ tɔm ɖɛzʋʋ

    • 15 Daviid wolo pɩ-yɔɔ nɛ ɛtɔkɩ kewiyitu Izrayɛɛlɩ kpeekpe yɔɔ.+ Nɛ Daviid hʋwaɣ ɛ-samaɣ kpeekpe+ tɔm siɣsiɣ nɛ eyeki nɛ pañaŋ paa weyi lɛ ɛ-waɖɛ.+ 16 Zeruyaa pɩyalʋ Yowaabʋ+ kaakɛnɩ sɔɔjanaa ñʋʋdʋ. Nɛ Ahiluudɩ pɩyalʋ Yozafaatɩ+ ñaakɛ tɔm ndʋ tɩlakɩ yɔ tɩ-mayʋ. 17 Ahitub pɩyalʋ Sadɔɔkɩ+ nɛ Abiyaataarɩ pɩyalʋ Ahimelɛɛkɩ paakɛ cɔjɔnaa, nɛ Seraya ñaakɛ takayaɣ taa mayʋ. 18 Yehoyiyada pɩyalʋ Benayaa+ kaakɛ Kereti mba nɛ Peleti mba+ pa-ñʋʋdʋ. Nɛ Daviid pɩyalaa pɩsɩ ñʋndɩnaa sɔsaa.*

  • 2 Samɩyɛɛlɩ 23:3, 4
    Bibl—Ɛjaɖɛ kɩfaɖɛ tɔm ɖɛzʋʋ

    •  3 Izrayɛɛlɩ tɛ Ɛsɔ yɔɔdaa;

      Izrayɛɛlɩ Kaaʋ+ heyi-m se:

      “Alɩwaatʋ ndʋ weyi ɛtɔkɩ kewiyitu ɛyaa yɔɔ yɔ ɛwɛ siɣsiɣ,+

      nɛ ɛtɔkɩ kewiyitu nɛ Ɛsɔ sɔɔndʋ seu yɔ,+

       4 pɩwɛ ɛzɩ tanaŋ tɛɛ wɩsɩ ñalɩmɩyɛ alɩwaatʋ ndʋ sɩlɩɣ yɔ,+

      tanaŋ ŋgʋ kɩ-tɛɛ ɛsɔmɩndʋ fɛyɩ yɔ.

      Pɩwɛ ɛzɩ tɛʋ nɩɣʋ nɛ kɩfɛɣ nɛ ɛjaɖɛ yɔɔ wɛɣ kpayɩ kpayɩ,

      nɛ piyeki nɛ ñɩtʋ ñɔʋnɩ tɛtɛɛ yɔ.”+

  • Keɣa 78:70-72
    Bibl—Ɛjaɖɛ kɩfaɖɛ tɔm ɖɛzʋʋ

    • 70 Ɛlɩzɩ ɛ-lɩmɖʋyʋ Daviid+

      nɛ ɛkpaɣ-ɩ nɛ heŋ kalakɩŋ taa,+

      71 ɛkpaɣ-ɩ alɩwaatʋ ndʋ ɛcɔŋnaɣ heŋ asɔŋ yɔɔ yɔ;

      ɛpɩsɩ-ɩ Yakɔɔb ninɖiɣyu, ɛ-samaɣ ninɖiɣyu,+

      ɛpɩsɩ-ɩ Izrayɛɛlɩ ninɖiɣyu, ɛ-ñɩm ninɖiɣyu.+

      72 Eɖiyi-wɛ nɛ laŋɩyɛ nɖɩ ɖɩwɛ cɩŋgɩlɩm yɔ,+

      ɛɖiyi-wɛ nɛ lɛɣtʋ.+