25 Pɩtasɩ lɛ, Daviid nɛ tʋmɩyɛ ñʋndɩnaa palɩzɩ Azaafʋ, Hemaanɩ, nɛ Yedutuunɩ+ pa-pɩyalaa taa nabɛyɛ nɛ hɔɔlʋʋ se patɩŋnɩ cɩmɩŋ yɔɔ, cɩmʋʋ wondu ndʋ tɩ-yɔɔ wɛ nimasɩ yɔ+ tɩ-yɔɔ nɛ ŋgbamɛɛ+ yɔɔ nɛ pɔyɔɔdʋʋ natʋ tɔm. Ɛyaa mba paalɩzaa se pala tʋmɩyɛ nɖɩ yɔ mba yɔ, 2 Azaafʋ pɩyalaa taa lɛ: Zakuurɩ, Yosɛɛfʋ, Netaniya nɛ Asarela; Azaafʋ pɩyalaa kaawɛ Azaafʋ nesi tɛɛ, ɛnʋ yɔɔdaɣnɩ natʋ tɔm ɛzɩ wiyaʋ haɣʋ nɔɔ yɔ.