10 Mbʋ Salomɔɔ pɔzaa yɔ pɩkɛdɩnɩ Yehowa.+ 11 Nɛ Ɛsɔ heyi-i se: «Ɛzɩma ŋpɔzɩ mbʋ na, nɛ ŋtɩpɔzɩ wezuu kɩɖaɣlʋʋ* yaa ñɩm yaa ño-koyindinaa sɩm,* ɛlɛ ŋpɔzɩ tɔm taa nɩʋ lɛɣtʋ se ŋhʋʋnɩ tɔm yɔ pʋyɔɔ lɛ,+ 12 mankaɣ labʋ mbʋ ŋpɔzaa yɔ.+ Mankaɣ-ŋ haʋ laŋɩyɛ nɖɩ ɖɩwɛnɩ lɔŋsɩnɖɛ nɛ ɖɩnɩɣ tɔm taa yɔ,+ nɛ piyele nɛ ɛzɩma nɔɔyʋ taawɛɛ ɛzɩ ña yɔ pʋcɔ nɛ pɩtalɩɣnɩ-ŋ yɔ, ña-wayɩ lɛ nɔɔyʋ ɛɛkaɣ wɛʋ ɛzɩ ña yɔ.+ 13 Pɩtasɩ lɛ, mbʋ ŋtɩpɔzɩ yɔ mankaɣ-ŋ pʋ haʋ,+ ñɩm nɛ samtʋ,+ nɛ wiyaʋ nɔɔyʋ ɛɛkaɣ wɛʋ ɛzɩ ña yɔ ñe-wezuu caɣʋ alɩwaatʋ taa.*+

28 Nɛ Izrayɛɛlɩ kpeekpe nɩɩ ɛzɩma wiyaʋ hʋ tɔm ndʋ yɔ, nɛ wiyaʋ tɔm ɖɩɣzɩ-wɛ,*+ mbʋ pʋyɔɔ yɔ panawa se ɛwɛnɩ Ɛsɔ lɔŋsɩnɖɛ se ɛhʋʋ tɔm siɣsiɣ.+