10 Nɛ Seeba abiɖe nɩɩ Salomɔɔ yɔɔ tɔm nɛ nɔɔ kʋɖʋmaɣ ŋga kaawɛ ɛ nɛ Yehowa hɩɖɛ pɛ-hɛkʋ taa yɔ kɔ-tɔm,+ nɛ ɛkɔɔ se ɛpɔzɩ-ɩ tɔm kaɖɛ ñɩndʋ* nɛ ɛtakɩ-ɩ.+ 2 Ɛtalɩ Yeruzalɛm, ɛ nɛ ɛ-lɩmɖʋyaa* sakɩyɛ,+ pɛkpɛndɩnɩ aɖaaɖaanaa mba pasɩɣlɩ balɩsam num+ nɛ sika nɛ ñɩɣlɩm pɛɛ sakɩyɛ yɔ. Ɛsʋʋ Salomɔɔ cɔlɔ nɛ ɛyɔɔdɩ ɛlɛ cɔlɔ tɔm ndʋ payɩ tɩɩwɛ ɛ-laŋɩyɛ taa yɔ. 3 Nɛ Salomɔɔ cosi tɔm ndʋ payɩ ɛpɔzɩ-ɩ yɔ tɩ-yɔɔ. Pɩtɩkazɩ natʋyʋ se tɩkɩlɩ wiyaʋ kaɖɛ* nɛ ɛtɩpɩzɩ nɛ ɛlɩzɩ-ɩ tɩ-taa.