8 Nɛ Amaziya tiyi ɛyaa Izrayɛɛlɩ wiyaʋ Yehu pɩyalʋ Yehowahazɩ pɩyalʋ Yehowaasɩ cɔlɔ se peheyi-i se: «Kɔɔ nɛ ɖɩkatɩ ɖama nɛ ɖɩla you.»*+ 9 Izrayɛɛlɩ wiyaʋ Yehowaasɩ tiyi se peheyi Yuuda wiyaʋ Amaziya se: «Libaŋ sɔɔ ñɩyʋʋ tiyaa se peheyi Libaŋ sɛɛdrɩ se: “Cɛlɩ ñɛ-pɛlɛ man-pɩyalʋ nɛ ɛpɩsɩ-ɩ ɛ-halʋ.” Ɛlɛ Libaŋ tɛtɛgbɩnɛ naɖɩyɛ tɩŋnɩ peeɖe nɛ ɖɩfɛyɩ sɔɔ ñɩyʋʋ ŋgʋ. 10 Pɩkɛ toovenim se ŋwabɩ Edom,+ pʋyɔɔ ña-laŋɩyɛ kpazɩ ɖɩ-tɩ. Ña-taa ɛla leleŋ nɛ ña-samtʋ, ɛlɛ caɣ ña-ɖɩɣa.* Ɛbɛ yɔɔ ŋñɩnɩɣ se ŋkɔnɩ ña-tɩ asɛyʋʋ nɛ ŋtɔlɩ, nɛ ŋkpɛndɩɣnɩ Yuuda?»