59 Nɛ mba pakʋyɩnɩ Tɛɛlɩ-Melaa, Tɛɛlɩ-Harɩsaa, Kerub, Adɔɔnɩ nɛ Imɛɛrɩ, ɛlɛ pataapɩzɩɣ se patʋʋzɩ pa-caanaa hɔŋ nɛ pe-liɖe nɛ pawɩlɩ se pɛkɛ Izrayɛɛlɩ mba yɔ, mba yɔ:+ 60 Delayiya pɩyalaa, Tobiya pɩyalaa, Nekoda pɩyalaa, pɛkpɛndɩ 652. 61 Nɛ mba palɩnɩ cɔjɔnaa pɩyalaa taa yɔ mba yɔ: Habayiya pɩyalaa, Hakɔɔzɩ+ pɩyalaa, Barizilayii weyi ɛɛkpaɣ Galaadɩ tʋ Barizilayii+ pɛlɛ nɔɔyʋ nɛ payaa-ɩ nɛ ɛ-ɛtɩ hɩɖɛ yɔ, ɛ-pɩyalaa. 62 Pañɩnɩ pɔ-hɔŋ hɩla takayɩsɩ taa se papɩzɩ nɛ patʋʋzɩ pe-liɖe, ɛlɛ patɩna-yɛ; pʋyɔɔ pataamʋna se pala cɔjɔtʋ tʋmɩyɛ.*+ 63 Egeetiye ñʋʋdʋ* heyi-wɛ se paapɩzɩɣ nɛ pɔtɔɔ wondu ndʋ tɩkɛ kiɖeɖetu siŋŋ yɔ,+ pɩkɔɔ nɛ pɩtalɩ alɩwaatʋ ndʋ cɔjɔ weyi ɛpɩzɩɣ nɛ ɛpɔzɩ Uriim nɛ Tuumiim+ yɔ ɛwɛɛ yɔ.