4 Pʋyɔɔ Mowaabʋ mba heyi Madiyaŋ+ ɛzʋtʋyaa se: «Samaɣ kanɛ, kakaɣ tɔɔʋ mbʋ payɩ pɩcɔ-ɖʋ nɛ pɩta yɔ, ɛzɩ nɔ abalɩñɩnʋ tɔkʋʋ ñɩtʋ hayɩm taa yɔ.»

Pʋbʋ taa lɛ, Zipɔɔrɩ pɩyalʋ Baalaakɩ kaakɛnɩnɩ Mowaabʋ wiyaʋ. 5 Etiyi ɛyaa Beyɔɔrɩ pɩyalʋ Baalam cɔlɔ Petɔɔrɩ+ tɛtʋ taa. Tɛtʋ ndʋ tɩ-taa palʋlɩ-ɩ, nɛ tɩwɛ Pɔɔ* nɔɔ. Etiyaa se payaa-ɩ, ɛtɔm se: «Na! Samaɣ nakɛyɛ lɩnɩ Ejipiti. Kawadɩ tɛtʋ* yɔɔ* wala wala,+ nɛ kɛwɛ cɛɛkɛ mɛ-ɛsɩndaa cɩnɛ. 6 Mentendi-ŋ, kɔɔ nɛ ŋlɔ-m samaɣ ŋga kɔ-yɔɔ nɔɔ kɩdɛkɛdaɣ,+ mbʋ pʋyɔɔ yɔ kakɩlɩ-m ɖoŋ. Ðɩnɛ ɛlɛ pɩtɩla yɔ, manpɩzɩɣ nɛ mawabɩ-kɛ nɛ mɔnɖɔɔnɩ-kɛ ɛjaɖɛ taa, mbʋ pʋyɔɔ yɔ mansɩm camɩyɛ se ɛyʋ weyi ŋwazɩɣ-ɩ yɔ pɩɖɔŋnɩ-ɩ camɩyɛ; nɛ weyi ɛ-yɔɔ ŋlɔʋ nɔɔ kɩdɛkɛdaɣ yɔ piyou-i.»