-
Ɛsɩdrasɩ 9:1, 2Bibl—Ɛjaɖɛ kɩfaɖɛ tɔm ɖɛzʋʋ
-
-
9 Ðɩtɩɩtɛm pɩtɩŋa mbʋ yɔ lɛ, awumbiya ñɔtɩnɩ-m nɛ peheyi-m se: «Izrayɛɛlɩ samaɣ, cɔjɔnaa nɛ Leevi mba patiposi pa-tɩ nɛ ajɛɛ taa mba nɛ pa-kʋzɔɔtʋ lakasɩ,+ nzɩ Kanaŋ mba, Hɛɛtɩ mba, Perizi mba, Yebuusi mba, Amooni mba, Mowaabʋ mba, Ejipiti mba+ nɛ Amoori mba+ palakɩ yɔ. 2 Pakpaɣ a-taa pɛlaa nabɛyɛ nɛ papɩsɩ-wɛ pa-halaa nɛ pa-pɩyalaa halaa.+ Ɛyaa mba, mba pɛkɛ samaɣ* kiɖeɖeɣa yɔ,+ pesidi pa-tɩ nɛ ajɛɛ taa mba.+ Awumbiya nɛ kaɖɩsɩ calɩnɩ lakasɩ nzɩ sɩfɛyɩ siɣsiɣ mbʋ yɔ yɔ sɩ-labʋ.»
-
-
Ɛsɩdrasɩ 10:10Bibl—Ɛjaɖɛ kɩfaɖɛ tɔm ɖɛzʋʋ
-
-
10 Ðɩnɛ ɛlɛ cɔjɔ Ɛsɩdrasɩ kʋyɩ nɛ ɛsɩŋ nɛ eheyi-wɛ se: «Ɩlabɩ lakasɩ nzɩ sɩfɛyɩ siɣsiɣ yɔ, mbʋ pʋyɔɔ yɔ ɩkpaɣ agbaaɣdaa halaa,+ nɛ mɩ-lakasɩ nzɩ siyeba nɛ ɩsɔzɩ Izrayɛɛlɩ kɩwɛɛkɩm yɔɔ.
-